Më 13 nëntor 2018 do të bohet libri me kujtime të Michelle Obamas, ish-Zonjës së Parë të SHBA-ve. Kjo u njoftua nga CEO i shtëpisë botuese Penguin Random House, Markus Dohle, i cili zotëron të gjithë të drejtat për botimin në të gjitha gjuhët. Titullohet “Becoming” (Të bëhesh Michelle). “Becoming” do të publikohet njëkohësisht në 24 gjuhë të botës, dhe botuesi shqiptar do të jetë Botimet “Dudaj”. Libri do të përkthehet nga Ledia Agolli.
Me një jetë të mbushur me kuptim dhe realizime, Michelle Obama shquhet si një nga gratë ikona dhe sfiduese të erës sonë. Si gruaja e parë e SHBA-ve – e para grua afroamerikane që ka luajtur një rol të tillë – ajo ndihmoi pafund në krijimin e një Shtëpie të Bardhë mikpritëse dhe gjithëpërfshirëse, për herë të parë në histori; gjithashtu, duke e vënë veten dhe pushtetin e saj në shërbim të avokatisë së çështjes së grave dhe vajzave në SHBA-ve kudo në botë; duke ndryshuar rrënjësisht mënyrën sesi familjet mund të mësojnë të bëjnë një jetë më të shëndetshme dhe aktive; duke i qëndruar në krah burrit të saj teksa ai drejtonte Amerikën gjatë momenteve më të ngarkuara të saj; dhe duke rritur dy vajza me këmbë në tokë, nën sytë e një medie që nuk të fal.
Në autobiografinë e saj, një punë reflektimi të thellë dhe narracioni tërheqës, Michelle Obama fton lexuesit të hyjnë në botën e saj, duke përjetuar përvojën që e kanë formuar – që nga fëmijëria në pjesën jugore të Çikagos, në vitet kur punonte si drejtuese e lartë, në përpjekje për të balancuar kërkesat që i shtronte mëmësia dhe puna, kohës që kaloi në mjedisin më të famshëm në botë. Me një sinqeritet të thellë ajo përshkruan arritjet dhe zhgënjimet, si personale ashtu dhe publike, duke rrëfyer historinë e saj ashtu siç e ka jetuar – me fjalët dhe shprehjet thellësisht të vetat. E ngrohtë, e ditur dhe zbuluese, “Becoming” do të jetë jetëshkrimi intim i një gruaje me shpirt dhe substancë, që i ka tejkaluar pritshmëritë dhe historia e së cilës frymëzon të gjithë.
Obama thotë: “Të shkruaja ‘Becoming’ ishte një eksperiencë thellësisht personale. Për herë të parë më dha mundësinë të reflektoj ndershmërisht në trajektoren e papritur të jetës sime. Në këtë libër unë flas për rrënjët e mia dhe se si një vajzë e vogël nga jugu i Çikagos arriti të gjejë zërin e saj dhe të zhvillojë forcën e vet për t’u dhënë fuqi të tjerëve. Uroj që ky rrugëtim imi ta frymëzojë lexuesin për të gjetur kurajën të bëhen ajo që ata dëshirojnë të bëhen. Mezi pres ta ndaj me ju këtë histori.”
Promo
Reklamo këtuLufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit