Tahiri: Në Parlament nuk frymon vullnet për zgjidhje të krizave, por vazhdimësi e inateve personale e partiake

Me anë të një postimi në rrjetet sociale, Labinot Tahiri ka reaguar ndaj disa publikimeve që pohonin se fati i vendit ndodhej në duart e tij.

Deputeti i AKR-së ka thënë se Republika është në duart e popullit dhe në përgjegjësinë  e politikanëve, duke shtuar se në Kuvend nuk po frymon vullnet për zgjidhje të krizave politike, por gjërat bëhen në bazë të inateve personale.

Lexo po ashtu Tahiri: Votoj pro, por vetëm nëse më lejon partia

“Republika nuk është në duart e Labinot Tahirit, por është në duart e popullit dhe në përgjegjësinë e të gjithë politikanëve të Kosovës”.

“Unë po vazhdoj të konsultohem edhe me akademikët e vendit dhe me historianë të vendit tonë për një zgjidhje të kësaj çështjeje. Sugjerimet e tyre për vendin, janë të dobishme, për faktin se në Parlamentin e Kosovë, nuk po frymon vullnet për zgjidhje të krizave politike, por vazhdimësi e inateve personale dhe partiake. Pra një trishtim i panevojshëm për brezat e rinj të politikës!”.

“Është e panevojshme dhe shumë hipokrite, kur Lista Serbe thotë se ne nuk do të jemi në Kuvend, për arsye derisa partitë shqiptare të merren vesh…! E rendë kjo. Unë nuk i takoj kësaj loje…!”

“Kosova, boll ka qenë në ngërç, është mëkat ta vazhdoj traditën e ngërçit derisa njerëzit kërkojnë themelimin e institucioneve”, ka shkruar Tahiri në Facebook. /Telegrafi/