Superkompjuteri parashikon renditjen përfundimtare të sezonit 2021/22 në Ligën Premier

Manchester City ka dy herë më shumë gjasa për të fituar Ligën Premier këtë sezon, sipas një superkompjuteri që ka analizuar shanset e çdo skuadre për të fituar trofeun e kampionatit elitar anglez.

Skuadra e Pep Guardiolas fitoi titullin e ligës sezonin e kaluar, duke mposhtur rivalët e Manchester Unitedit me 12 pikë epërsi, dhe ata janë favoritët e shumicës së njerëzve për të fituar përsëri trofeun.

Që nga vera e kaluar, ata kanë humbur vetëm Sergio Agueron nga ekipi i tyre i parë, dhe shtuan nënshkrimin e Jack Grealish, i cili iu kushtoi 100 milionë funte.

Me opsionet e sulmit të Guardiolas tani nuk është çudi që shumica e njerëzve mendojnë se do të fitojnë ligën, madje edhe statistikat mendojnë se ata do të përfundojnë në krye të kampionatit në muajin maj të vitit 2022.

Lexo po ashtu Liga Premier vjen me shtatë rregulla të reja këtë sezon - këto janë një lajm i shkëlqyeshëm për sulmuesit, përveç Harry Kane

Analistët e të dhënave të FiveThirtyEight parashikojnë të gjitha llojet e gjërave nga politika në sport, dhe parashikimi i tyre i fundit për sezonin vlerëson se kampionët aktual kanë 40 për qind shanse për të mbrojtur titullin, që është gati dy herë më shumë shanse sesa Liverpooli që renditet i dyti.

Jurgen Klopp ka shtuar vetëm mbrojtësin Ibrahima Konate në ekipin që arriti të përfundojë i treti në ditën e fundit të sezonit të kaluar, por statistikat vlerësojnë se Reds janë skuadra e dytë më e mundshme për të fituar titullin.

Kampionët evropianë Chelsea janë të tretët në listë, por kjo sigurisht që mund të ndryshojë tani pasi që është zyrtarizuar nënshkrimi i Romelu Lukakut.

Në katërshen e parë, sipas statistikave, do të jetë edhe Manchester Unitedi i Ole Gunnar Solskjaer, i cili aktualisht ka një shans prej 10 për qind për të fituar ligën.

Pozicioni i Arsenalit në vendin e pestë ndoshta do të befasojë shumicën e vëzhguesve, edhe me nënshkrimin e tyre me Ben White, dhe Leicester City do të favorizohej të përfundonte përsëri mbi ta.

Pozicioni i Brighton në top 10 është një nga pjesët më befasuese të parashikimeve dhe, ndërsa Watford pritet të jetë në fund të tabelës, me skuadrën e Norwich City jo shumë prapa tyre, me të dyja ekipet e sapo promovuara që duhet të rikthehen përsëri në Championship.

Kush mendoni se do ta fitojë titullin dhe do të bie nga kategoria këtë sezon? Na tregoni mendimet tuaja në komente. /Telegrafi/