Sulmuesi në Gjermani kishte lënë një letër dhe një video

Vrasjet masive që ndodhën në qytetin gjerman Hanau i ka kryer shtetasi gjerman Tobias R. i cili kishte lënë një letër në të cilën shpreh dhe përkrah qëndrimet e tij radikale të djathtës ekstreme, shkruan e përditshmja gjermane Bild.

Si rezultat i të shtënave me armë në dy kafiteri kanë humbur jetën 11 persona dhe 6 tjerë janë plagosur. Sulmin siç dyshohet e ka kryer shtetasi gjerman, trupi i pajetë i të cilit është gjetur në shtëpinë e babait të tij. Besohet se sulmuesi ka kryer vetëvrasje, transmeton Telegrafi.

Siç raportojnë mediat gjermane, bëhet fjalë për Tobias R, i cili sipas të përditshmes Bild ka lënë një letër dhe një video, në të cilat rrëfehet për gjithçka. Në letër, ai ka shkruar qëndrime të çuditshme, shumica prej të cilave ishin të natyrës radikale të djathtës ekstreme.

Lexo po ashtu Nga të shtënat me armë në qytetin në Gjermani humbin jetën 11 persona, policia gjen trupat e pajetë të sulmuesve në një shtëpi

Gjithashtu, sulmuesi flet për nevojën e shkatërrimit të popujve të caktuar, dëbimi i të cilëve është bërë i pamundur nga Gjermania. Megjithatë deri më tani këto informacione nuk janë konfirmuar nga autoritetet e sigurisë.

Në shtëpinë ku është gjetur trupi i pajetë i sulmuesit është gjetur edhe një tjetër i një burri. Bëhet fjalë për personin që e ndihmoi Tobiasin të kryej sulmet. Sulmi i parë kishte ndodhur rreth orës 22:00 në qendër të qytetit, ku nga të shtënat humbën jetën tre persona. Sipas dëshmitarëve okularë, sulmuesit ishin larguar nga vendi i ngjarjes me një veturë.

“Kolegët më thanë se ka pasur të shtëna dhe menjëherë jam nisur për atje për t’i ndihmuar. Frikësohesha që babai dhe vëllai im mund ta kishin pësuar, por kur i pashë që janë gjallë u gëzova shumë. Të gjithë jemi në shok” thotë një qytetar babai i të cilit është pronari i lokalit ku ndodhën të shtënat.

Sulmi i dytë ka ndodhur në një kafiteri tjetër në një pjesë tjetër të qytetit, ku sulmuesit mbytën tetë tjerë. /Telegrafi/