LAJMI I FUNDIT:

Sulmi i Iranit ndaj Izraelit – pse ky moment është më i rrezikshmi deri më tani?

Sulmi i Iranit ndaj Izraelit – pse ky moment është më i rrezikshmi deri më tani?

Ka pasur disa momente në gjashtë muajt e fundit kur ndjenja e ankthit gjeopolitik nga Lindja e Mesme mund të ndihej në Uashington DC.

Dhe në orët pas sulmeve të Hamasit të 7 tetorit kishte një ndjenjë të thellë rreth asaj “çfarë tani?”.


Por pa diskutim ky moment – tani – është më i rrezikshmi deri më tani, në një rrugë të gjatë, shkruan korrespondenti amerikan Mark Stone, në një shkrim të tij në Sky News, përcjell Telegrafi.

Sulmi i Iranit ndaj Izraelit - të gjitha zhvillimet, minutë pas minute
Lexo po ashtu Sulmi i Iranit ndaj Izraelit - të gjitha zhvillimet, minutë pas minute

Sipas tij, një sulm i drejtpërdrejtë nga Irani kundër Izraelit është i paprecedentë.

“Edhe nëse dronët përgjohen, edhe nëse numri i viktimave është i ulët ose zero, izraelitët do të ndihen thellësisht të cenueshëm dhe qeveria izraelite do të ndihet e detyruar të hakmerret”, ka shkruar ai.

Sipas tij, përdorimi i raketave – nëse konfirmohet – do të ndryshonte dinamikën edhe më tej.

Siç thotë ai, edhe nëse Irani ka llogaritur një strategji “shfaqje maksimale/ndikim minimal” – me shumë gjasa të arrihet duke përdorur dron – shanset për llogaritje të gabuara janë të mëdha.

“Dronët kamikaze pritet të marrin rreth nëntë orë për të arritur në Izrael. Ata po fluturojnë ulët për të shmangur radarët, duke e bërë më të vështirë për t’u përgjuar”.

“Duke zgjedhur dronët, Irani po përsërit një metodë të testuar sulmi. Një tufë dronësh kamikaze goditën fabrikat e naftës saudite në vitin 2019, duke mos vrarë askënd, por duke i kushtuar miliona tregtisë saudite të naftës. Dronët e sotëm do të jenë më të sofistikuar”.

“E gjithë kjo ka edhe një aspekt të thellë psikologjik. Njerëzit në të gjithë Izraelin nuk do të flenë sonte, duke e ditur se dronët tashmë janë në ajër, duke u nisur drejt tyre”, shkruan më tej Stone.

Ai konsideron se që kur Izraeli mori vendimin e fshehtë “për të nxjerrë nga loja” dy gjeneralë iranianë brenda konsullatës iraniane në Damask, Siri, 13 ditë më parë, ata e dinin se kjo do të provokonte një përgjigje.

Irani tha se përgjigja e tij do të ishte “e kalibruar”. Kjo u interpretua si “e kufizuar” për të mos shkaktuar një reagim masiv izraelit dhe luftë rajonale.

Pas fillimit të sulmeve ndaj Izraelit, vjen edhe reagimi i udhëheqësit suprem të Iranit
Lexo po ashtu Pas fillimit të sulmeve ndaj Izraelit, vjen edhe reagimi i udhëheqësit suprem të Iranit

Me një sulm që po zhvillohet tani, ai vlerësim mund të ketë qenë shumë naiv, vlerëson Stone.

Presidenti Biden është në Shtëpinë e Bardhë tani, i kthyer para kohe.

Kjo vlerëson ai, është një provë e madhe për liderin e botës së lirë, i cili, sipas tij, deri tani është treguar se ka ndikim të kufizuar në krizën rajonale. /Telegrafi/

Në trend Botë

Më shumë
Gjermania forcon të drejtat e të huajve pa nënshtetësi, shkak bëhet një djalë nga Kosova

Gjermania forcon të drejtat e të huajve pa nënshtetësi, shkak bëhet një djalë nga Kosova

Botë
Historia e

Historia e "semaforit me tri ngjyra" dhe a do të na duhet një ngjyrë e katërt, e re?

Botë
Kishte rreth 200 njerëz brenda – momenti i sulmit të qendrës tregtare në Kharkiv të Ukrainës, nga i cili mbetën disa të vdekur

Kishte rreth 200 njerëz brenda – momenti i sulmit të qendrës tregtare në Kharkiv të Ukrainës, nga i cili mbetën disa të vdekur

Botë
Zelensky: Na lejoni të godasim objektivat brenda Rusisë

Zelensky: Na lejoni të godasim objektivat brenda Rusisë

Botë
SHBA do të heqë

SHBA do të heqë "ngrirjen e shitjeve të armëve sulmuese" në Arabinë Saudite?

Botë
Një ‘rekord humbjesh ditore’ u mposht tri herë në dy javët e fundit teksa Rusia humbi gjysmë milioni trupa në Ukrainë - thotë Kievi

Një ‘rekord humbjesh ditore’ u mposht tri herë në dy javët e fundit teksa Rusia humbi gjysmë milioni trupa në Ukrainë - thotë Kievi

Botë
Kalo në kategori