Edicionin i sivjetmë i Festivalit Evropian të Këngës – Eurovision ka qenë shumë i veçantë, duke qenë se konkurruan tre shqiptarë, të cilët arritën që të kualifikoheshin edhe në finale.

Falë performancës së tyre dhe interpretimit mbresëlënës, renditja e përgjithshme e tyre pas të gjitha votave ka qenë jashtëzakonisht e mirë.

Arritjen më të lartë e pati Eleni Foureira (436 pikë) me këngën “Fuego”, e cila ishte konkurrente e drejtpërdrejtë për ta fituar festivalin, mirëpo përfaqësuesja e Qipros mbeti prapa përfaqësueses së Izraelit, Netta, e cila triumfoi.

Lexo po ashtu:
Të gjitha lajmet për EUROVISIONIN Të gjitha lajmet për EUROVISIONIN

Ermal Meta dhe kolegu i tij, Frabrizio Moro, të cilët e përfaqësuan Italinë, u renditën në vend të pestë me këngën e tyre “Non mi avete fatto niente”.

Votat e jurisë (Foto: Eurovision.tv)

Ishte një sukses edhe për Eugent Bushpepën, i cili pas votave të jurisë ishte i shtati në renditje, mirëpo kur u përfshinë edhe votat e publikut, përfaqësuesi i Shqipërisë me këngën “Mall” u rendit në vend të 11-të.

Renditja finale pas votave të publikut (Foto: Twitter)

Vlen të theksohet se Shqipëria nuk i harroi dy shqiptarët që i përfaqësuan vendet tjera. Eleni Foureira (Qipro) mori 10 pikë nga vendi amë, kurse Ermal Meta (Itali) mori pikët maksimale, 12.

Nuk ka dyshim se ky sukses i artistëve tanë i gëzon të gjithë shqiptarët, të cilët kanë shpresuar që ndonjëri prej tyre të triumfonte këtë edicion në Festivalin Evropian të Këngës. /Telegrafi/