Një prej sulmuesve më të mirë të Barcelonës do të humbas disa ndeshje në La Liga dhe Ligën e Kampionëve.
Luis Suarez do të jetë në sallën e operacionit gjatë muajit të ardhshëm, shkruajnë mediat spanjolle.
Marca raporton se Barcelona dhe futbollisti kanë arritur një marrëveshje rreth problemit të gjurit të uruguaianit.
Kështu, u vendos që përmes një operacion t’i heqin lojtarit cistin nga nyja e gjurit.
Ndërhyrja kirurgjike do të bëhet në fillim të nëntorit. Kjo datë u zgjedh pasi që në atë kohë katalunasit do të kenë më pak ndeshje.
Pritet që pas operacionit, 30-vjeçari të humbasë rreth dy javë, deri në kohën kur mund të shkel në fushat e blerta.
Në sezonin aktual, Suarez nuk ka qenë deri më tani produktiv pasi që në tetë ndeshjet e para të ligës elitare spanjolle ka shënuar vetëm dy gola.
Ndryshe, Suarez u paraqit në barazimin e djeshëm të Uruguait pa gola kundër Venezuelës./Telegrafi/
