Dhjetë studentë janë arrestuar ndërsa shtatë prej tyre janë lënduar nga gazi lotsjellës.
Kështu tha Nurimshahe Demaliaj, njëra nga studentet e organizatës “Kritikë, Studim, Veprim” të cilët sot kanë protestuar para rektoratit të UP-së.
Disa nga studentët brenda sallës ku po mbahej ceremonia për shënimin e 47 vjetorit të themelimit të UP-së ia kanë ndërprerë fjalën rektorit Marjan Demaj.
Për t’i larguar ata nga oborri I UP-së ka reaguar edhe Policia me ç’rast është përdorur edhe gazi lotsjellës.
Studentët ndërprenë mbledhjen e UP-së, përleshen me sigurimin (Foto)
Ceremonia e shënimit të 47 vjetorit të themelimit të Universitetit të Prishtinës nuk ka shkuar ashtu siç ishte planifikuar, pasi disa studentë kanë akuzuar rektorin Marjan Dema se është i lidhur direkt me partitë politike.
Ata para të pranishmëve i janë drejtuar rektorit, duke i thënë se e ka shkatërruar UP.
“E keni shkatërruar UP-në”, “ju jeni pushteti” etj.
Raportohet se studentët janë nxjerrë me forcë nga mbledhja, ndërsa janë përleshur edhe me sigurimin.
Raportohet për të lënduar. Aty është parë edhe autoambulanca.
