Parlamenti i Studentëve të Universitetit të Prishtinës iu ka bërë thirrje të gjithë qytetarëve të Kosovës që pavarësisht bindjeve të tyre politike t’u bashkohen në marshin kundër themelimit të Asociacionit të komunave me shumicë serbe i cili do të mbahet më 15 shkurt.
Ky marsh, i cili do të nisë nga ora 16:00 para Bibliotekës Kombëtare të Prishtinës, ka moton “Bashkë kundër Asociacionit”.
Nënkryetarja e Parlamentit Studentor, Albë Lala u shpreh se edhe 24 vite pas luftës aspiratat e Serbisë karshi territorit të Kosovës ende nuk janë shuar.
Ajo tha se në ditën kur edhe festojnë 53-vjetorin e themelimit të UP-së do të marshojnë kundër Asociacionit i cili, sipas saj, nuk avancon të drejtat e serbëve, por instrumentalizon serbët në Kosovë.
“24 vite pas luftës së fundit dhe 15 vite pas shpalljes së pavarësisë sovraniteti dhe integriteti territorial i Kosovës vazhdojnë të mbesin cak i Serbisë, kjo e fundit ende nuk i ka shuar aspiratat për territorin tonë. Serbia në raport me shqiptarët ka të kaluar kriminale vazhdon të ketë të tashme kriminale duke ndërtuar strategji për një të ardhme kriminale. Andaj, ne fuqishëm besojmë se mobilizimi e organizimi studentor ndonëse në rrethana krejtësisht të ndryshme është gjithmonë i domosdoshëm për të kundërshtuar dhe parandaluar një të keqe që po provohet të instalohet në Kosovë… Se Asociacioni njëetnik është në kundërshtim me Kushtetutën e Kosovës tashmë është veçse e qartë. Ky Asociacion nuk avancon të drejtat e serbëve por instrumentalizon serbët në Kosovë dhe ndikon në avancimin e Serbisë në Kosovës”, tha ajo.
Lala tutje ka ftuar të gjithë qytetarët e Kosovë që pavarësisht bindjeve të tyre politike tu bashkohen në marshin e organizuar përmes të cilit kundërshtohet krijimi i Asociacionit të komunave me shumicë serbe.
“Në vend që të flasim për marrëveshjen e cila parasheh njohjen reciproke të diplomave universitare në mes të Kosovës dhe Serbisë ne flasim vetëm për Asociacion i cili cenon integritetin territorial dhe paqen në vend. Prandaj, të mërkurën e 15 shkurtit përveçse kremtojmë themelimin e UP-së marshojmë bashkë kundër Asociacionit. Me këtë rast, Parlamenti Studentor i UP-së fton të gjithë qytetarët e Kosovës pavarësisht bindjeve politike që të na bashkohen në marshin kundër Asociacionit një etnik që është në dëm të vendit tonë“, theksoi Lala.
Edhe Bleron Beka, nënkryetar Parlamentit Studentor të UP-së, kërkoi që përmes këtij marshi të tregohet vendosmëria dhe institucionet vendore dhe ndërkombëtare të parandalojmë themelimin e Asociacionit të komunave me shumicë serbe.
“Bëjmë thirrje për përfaqësuesit vendorë dhe ndërkombëtarë që funksionojnë në Republikën e Kosovës që të parandalojnë krijimin e një Asociacioni të komunave me shumicë serbe që ndërtohet në kundërshtim me Kushtetutën e Kosovës… Bëjmë thirrje tek qytetarët e Kosovës që të marrin pjesë në marshin e 15 shkurtit dhe të tregojmë vendosmëri dhe të përçojmë mesazh të qartë tek instancat relevante në Kosovës. Nëse cenohet kushtetueshmëria e vendit atëherë vihet në dyshim përpjekja e kamotshme për paqe dhe bashkëjetesë mes etnike. Kosova multietnike është kriter thelbësor për zhvillim të mëtutjeshëm, zhvillim ky që minohet nga një Asociacion një etnik”, theksoi Beka.
Ditë më parë kryeministri i Kosovës, Albin Kurti ka paraqitur 6 kushtet e tij për themelimin e Asociacionit.
Promo
Reklamo këtuLufta Prigozhin - Putin
Më shumëKSHZ publikon rezultatet e para përfundimtare, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Iu mori shokëve një milion euro duke mashtruar për vetëvrasje: "Unë po i jap fund jetës, amanet gruan dhe dy djemtë"
Zgjedhjet në RMV, Abdixhiku: Sikur shqiptarët të bëheshin bashkë me një kandidat, sot do të ishin në balotazh
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën