Specifikat e SUV-it të parë elektrik nga Audi (Foto)

Në përgatitje të prezantimit zyrtar në shtator, Audi ka dhënë disa prej specifikave të SUV-it të parë elektrik

Pritja e gjatë për të parë Audi e-tron, pritej të merrte fund më 20 gusht, por kjo u shty për 17 shtator, për shkak të arrestimit të drejtorit të kompanisë, për shkak të përfshirjes në skandalin e emetimit të gazrave, transmeton Telegrafi.

Me njoftimin për datën, Audi ka vazhduar të tregojë specifikat e SUV-t të parë tërësisht elektrik.

Në të janë vendosur dy motorë elektrikë, që së bashku prodhojnë 355 kuajfuqi. Shpejtësinë maksimale motorët mund ta japin për 60 sekonda, ndërsa prej pozitës pa lëvizur deri në limitin e ndaluar në 200 kilometra në orë, mund të lëvizë disa herë pa e humbur fuqinë.

Ekziston edhe modaliteti i nxitjes, që aktivizohet duke lëvizur marshin nga D në S dhe duke shtypur pedalin e përshpejtimit, duke bërë që motori të lëvizë me 402 kuajfuqi, gjë që arrihet brenda tetë sekondave.

Zyrtarë të Audit, kanë bërë të ditur se shpejtësinë prej zero deri në 100 kilometra në orë, e arrinë për gjashtë sekonda. Këtyre të dhënave të kënaqshme, Audi iu bashkëngjitë edhe një lajm të këndshëm, që tregon se e-tron mund të lëvizë për 400 kilometra, me një mbushje të vetme.

Kjo nuk është më e avancuar se bateria e Tesla Model X apo Jaguar I-Pace, por Audi shpreson që ky SUV të jetë më ekonomik dhe të mbushet sa më shpejtë. /Telegrafi/