Sony prezantoi konzolën dhe lojërat e saj të reja, por nuk e tregoi çmimin

Sony ka zbuluar pamjen e re të Playstation 5, së bashku me një seri lojërash.

Gjiganti i lojërave zbuloi tastierën e tij të re në një transmetim live të enjten natën, duke premtuar se do të paralajmërojë “të ardhmen e lojërave”.

PS5 ka një dizajn të butë bardh e zi. Ajo do të nisë me një lojë të re Spider-Man, ku do të përfshijë Miles Morales, protagonisti me ngjyrë i vendosur nga Marvel Comics, transmeton Telegrafi.

Ngjarja e Sony ishte shtyrë javën e kaluar në mes të protestave të ‘Black Lives Matter’ në SHBA, duke thënë se nuk ishte momenti për “festim”.

Lojëra të tjera të spikatura përfshijnë ‘Horizon’ të vitit 2017, Zero Dawn, A Resident Evil, NBA, Gran Tourism, por ajo që është e habitshme deri më tash, është se asnjë kompani nuk ka ofruar ende ndonjë datë apo çmim specifik të PS5.

Si duket?

Nëse pyesni disa lojtarë, PS5 duket si një sanduiç midis dy paneleve të bardha që ngjasojnë me krahë. Dhe krahët me sa duket do të ndihmojnë të heqin nxehtësinë e prodhuar nga tastiera që funksionon.

Sa do të kushtojë PlayStation 5?

Ne ende nuk e dimë. Njoftimi nga Sony nuk përfshin një çmim, megjithëse Bloomberg ka raportuar më parë se konzola ka të ngjarë të kushtojë të paktën 470 dollarë.

Një çmim i tillë do të bëjë që kjo tastierë të jetë më e shtrenjta ndonjëherë nga PlayStation e Sony. /Telegrafi/