Pas dy konventave politike, Joe Biden (demokrat) mban një avantazh ndaj Donald Trumpit (republikan) në garën për presidencën e SHBA-së, sipas një sondazhi të ri të CNN-it.
Midis votuesve të regjistruar, 51 për qind mbështesin Bidenin, 43 për qind Trumpin.
Dallimi në mbështetjen e secilit kandidat kur krahasohet me një sondazh të kryer para-konventave është brenda kufijve të mazhës së gabimit të lejuar të mostrës (3.8 për qind), transmeton Telegrafi.
Të dy kandidatët rritën pjesën e mbështetësve të tyre që thonë se po votojnë më shumë për kandidatin e tyre të zgjedhur sesa “për inati” të kundërshtarit të tij, megjithëse kjo shifër është akoma më e lartë për republikanin sesa për demokratin.
Për Biden, është deri në 45 për qind, nga 38 për qind para-konventës, dhe për Trumpin, tani është në 77 për qind, nga 67 për qind para konventave.
Ndryshe, kujtojmë se zgjedhjet presidenciale amerikane do të mbahen më 3 nëntor (e martë). /Telegrafi/
