“Skifterët e Vdekjes” – njihuni me 10 snajperistët më të fortë të historisë së njerëzimit

Përgjatë historisë, snajperistët kanë qenë një komponent thelbësor i strategjisë ushtarake, pasi me aftësinë e tyre mund të eliminojnë trupat kundërshtare nga një distancë e madhe dhe të depërtojnë në linjat e padukshme të armikut.

Ekipet e snajperistëve (nga Lufta e Parë Botërore e deri më sot) kanë dëshmuar vazhdimisht aftësinë e tyre për t’u shkaktuar dëme masive forcave kundërshtare, transmeton Telegrafi.

Sidoqoftë, si me të gjithë luftëtarët, disa snajperistë janë dalluar nga të tjerët me aftësitë e tyre.

Por kush janë snajperistët më të njohur në histori dhe sa është rekordi i tyre përgjatë operimit? Në listën e mëposhtme janë 10 snajperistët më të fortë që njihen në historinë e njerëzimit.

10- Chuck Mawhinney

Charles Benjamin “Chuck” Mawhinney ishte një ish-marins i Shteteve të Bashkuara të Amerikës që shërbeu 16 muaj në ushtri gjatë Luftës së Vietnamit.

Si snajperist, rekordi i vrasjeve që ka kryer Mawhinney vlerësohet të jetë 103, sipas numrit të konfirmuar (një rekord i Korpusit Detar), derisa 216 vlerësohet të jetë numri i pakonfirmuar i vrasjeve.

Mawhinney ishte djali i një veterani të Trupave Detare nga Lufta e Dytë Botërore dhe iu bashkua marinsave pasi mbaroi shkollën e mesme në vitin 1967.

9- Adelbert Waldron

Adelbert F. “Bert” Waldron III ishte një ish-snajperist i Ushtrisë së Shteteve të Bashkuara që shërbeu me Divizionin e 9-të të Këmbësorisë gjatë Luftës së Vietnamit.

Para se të shërbente në ushtri, Waldron shërbeu afërsisht 12 vjet në Marinën e SHBA-së. Pas transferimit në ushtri, ai u caktua tek anijet patrulluese (PBR) për të monitoruar Deltën Mekong në Vietnam.

Në më pak se tetë muaj, Waldron kishte vrarë 109 trupa të forcave kundërshtare.

8- Henry Norwest

Henry “Ducky” Norwest ishte një snajperist kanadez i njohur për bëmat e tij në Luftën e Parë Botërore.

I lindur në Fort Saskatchewan, Alberta, më 1 maj të vitit 1884, Norwest punoi si një fermer, interpretues rodeo dhe përfundimisht në policinë mbretërore veriperëndimore përpara se të bashkohej me ushtrinë kanadeze në vitin 1915.

Edhe pse fillimisht u shkarkua për sjellje të pahijshme vetëm tre muaj në karrierën e tij ushtarake, ai më vonë u rivendos në ushtri me një emër tjetër dhe u caktua në Batalionin e 50-të Kanadez të Këmbësorisë. Në më pak se tre vjet, Norwest kishte kryer 115 vrasje.

7-Chris Kyle

Christopher Scott Kyle ishte një snajperist i Marinës së Shteteve të Bashkuara të Amerikës i cili shërbeu katër herë në Irak.

Kyle lindi në Odessa, Teksas, më 8 prill të vitit 1974 nga Wayne dhe Deby Lynn Kyle. Pasi punoi si fermer, kalorës profesionist i rodeos, Kyle më vonë iu bashkua njësisë SEAL të Marinës së Shteteve të Bashkuara pasi vuajti nga një lëndim që i dha fund karrierës gjatë kohës së tij si kalorës rodeo.

Pasi iu nënshtrua një operacioni për të shëruar krahun e tij, Kyle mori një ftesë për një trajnim Bazik Nënujor (BUD/S) dhe për trajnim në njësinë SEAL (Det, Ajër, Tokë) në Coronado, Kaliforni (1999). Më vonë u caktua në elementin e snajperistëve të SEAL Team-3, Kyle shpejt u gjend mes disa veprimeve intensive në të gjithë Irakun.

Gjatë katër shërbimeve, Chris Kyle kishte 160 vrasje të konfirmuara në të gjithë Irakun në zona të tilla si Ramadi, Falluxha dhe Bagdad.

6-Vasily Zaytsev

Vasily Grigoryevich Zaytsev ishte një snajperist sovjetik që shërbeu në Ushtrinë e Kuqe gjatë Luftës së Dytë Botërore. Ai vlerësohet me mbi 242 vrasje të konfirmuara.

I lindur në Yeleninskoye, më 23 mars 1915, Zaytsev thuhet se e mësoi gjuajtjen e tij nga gjyshi i tij në malet Ural.

Pas mbarimit të kolegjit dhe punës së shkurtër në ndërtim, Zaytsev më vonë u regjistrua në ushtrinë sovjetike, duke shërbyer në Flotën e Paqësorit (duke filluar në vitin 1937).

5-Lyudmila Pavlichenko

Lyudmila Mikhailovna Pavlichenko ishte një snajperiste sovjetike që shërbeu me Ushtrinë e Kuqe gjatë Luftës së Dytë Botërore.

Ajo vlerësohet me 309 vrasje të konfirmuara gjatë karrierës së saj ushtarake. E lindur në “Bila Tserkva” (Ukraina e sotme) më 12 korrik të vitit 1916, Pavlichenko më vonë u zhvendos me familjen e saj në Kiev, ku punoi në fabrikën e Arsenalit të Kievit.

Në kohën e saj të lirë, Pavlichenko zhvilloi një interes të madh për gjuatje dhe madje u bashkua me një klub lokal ku i zhvilloi aftësitë e saj si gjuajtëse e mprehtë.

Deri më sot, Pavlichenko mbetet një nga snajperistët më të forta në historinë moderne dhe konsiderohet si snajperistja më e suksesshme femër e të gjitha kohërave.

Ajo vlerësohet se ka vrarë 257 ushtarë të Gjermanisë naziste, përfshirë 36 snajperistë.

4- Carlos Hathcock

Carlos Norman Hathcock II ishte një snajperist i Trupave Detare të Shteteve të Bashkuara që shërbeu gjatë Luftës së Vietnamit dhe vlerësohet me 93 vrasje të konfirmuara.

I lindur në Little Rock, Arkansas, më 20 maj 1942, Hathcock kishte njohuri për gjuajtje që në moshë të re, pasi familja e tij mbështetej shumë në gjueti për t’u ushqyer.

3- Francis Pagahmagabow

Francis Pagahmagabow ishte një snajperist në Luftën e Parë Botërore. Ai vlerësohet për 378 vrasje të konfirmuara.

Ai lindi në Rezervën e Kombit të Parë Shawanaga në Nobel, Ontario, më 9 mars të vitit 1891.

Pas shpërthimit të Luftës së Parë Botërore, Pagahmagabow doli vullnetar për shërbimi ushtarak dhe u caktua në Forcën Kanadeze të Ekspeditës në vitin 1914 (dhe më vonë u ricaktua në Regjimentin e 23-të Kanadez).

2-Fyodor Okhlopkov

Fyodor Okhlopkov ishte një snajperist sovjetik që shërbeu me Ushtrinë e Kuqe gjatë Luftës së Dytë Botërore.

Ai vlerësohet me 429 vrasje të konfirmuara gjatë karrierës së tij.

I lindur më 2 mars 1908 në fshatin Krest-Khaldzhay, Rusi, Okhlopkov ishte me përkatësi etnike yakute nga sektorët e Lindjes së Largët të Bashkimit Sovjetik.

Megjithëse dihet pak për Okhlopkov (për shkak të mungesës së të dhënave në lidhje me jetën e tij), besohet se ai fillimisht u bashkua me Ushtrinë e Kuqe me vëllain e tij, i cili më vonë u vra në luftime.

1- Simo Hayha

Simo “Simuna” Hayha ishte një snajperist finlandez që shërbeu në Luftën e Dimrit të viteve 1939-1940 dhe vlerësohet me 505 vrasje të konfirmuara kundër ushtarëve të Ushtrisë së Kuqe.

I lindur në Rautjarvi, Provinca Viipuri, Finlandë, më 17 dhjetor të vitit 1905 në një familje fermerësh, Hayha më vonë iu bashkua Milicisë Vullnetare Finlandeze (e njohur si “Garda e Bardhë”) në moshën njëzet e një vjeçare.

Duke përdorur aftësitë e zhvilluara fillimisht në rininë e tij nga ekspeditat e gjuetisë me babanë e tij, Hayha konkurroi në gara të shumta qitjeje në të gjithë Provincën Viipuri, duke fituar trofe të shumtë për aftësitë e tij të gjuajtjes së mprehtë.

Me shpërthimin e luftës midis Finlandës dhe Bashkimit Sovjetik në vitin 1939, Hayha shërbeu si snajperist gjatë Betejës së Kollaa-s. /Telegrafi/