LAJMI I FUNDIT:

Skënder Hyseni shkon në Bruksel i shoqëruar nga dy ekspertë të ekonomisë

Skënder Hyseni shkon në Bruksel i shoqëruar nga dy ekspertë të ekonomisë

Një takim në nivel të ekspertëve do të mbahet nesër në Bruksel mes përfaqësueseve të Kosovës dhe Serbisë. Atje, bashkë me koordinatorin për dialogun Kosovë-Serbi, Skënder Hyseni, në cilësinë e ekspertëve të ekonomisë shkojnë edhe Muhamet Mustafa dhe Robert Muharremi.

Megjithëse informacione për temën e diskutimit në takimin e nesërm nuk janë bërë të ditura nga Zyra e Kryeministrit e as nga koordinatori për dialog, tema duket se ka të bëjë me ekonominë.

Kështu ka thënë për Telegrafin, Xhavit Beqiri,  këshilltari i kryeministrit të Kosovës, Avdullah Hoti.

“Bashkë me koordinatorit Skënder Hyseni, atje është edhe Muhamet Mustafa dhe Robert Muharremi. Kanë shkuar atje në cilësinë e ekspertëve të ekonomisë”, tha Beqiri.

I pyetur për temën e diskutimit, Beqiri tha se për detaje mund të flasë koordinatori për dialogun Kosovë-Serbi, Skender Hyseni.

“Për detaje besoj mund të flasë koordinatori, Skënder Hyseni. Por, për vet faktin se aty janë si pjesë e delegacionit edhe ekspertë të ekonomisë, tema do të jenë kryesisht të kësaj fushe”, tha ai për Telegrafin.

Ndryshe, i dërguari i Bashkimit Evropian për dialogun Kosovë-Serbi, Mirosllav Lajçak ka thënë se në takimin e nesërm, temë diskutimi do të jenë pretendimet financiare dhe aranzhimet për komunitetin jo shumicë.

Lajçak tregon për temat që do të diskutohen nesër në takimin Kosovë-Serbi në Bruksel
Lexo po ashtu Lajçak tregon për temat që do të diskutohen nesër në takimin Kosovë-Serbi në Bruksel

Lajçak përmes një postimi në Twitter shkroi se presidenti i Serbisë, Aleksandar Vuçiq dhe kryeministri i Kosovës, Avdullah Hoti kanë rënë dakord që ekipi negociator të ndjek këto tema.

Pas njoftimit të dërguarit të Bashkimit Evropian për dialogun Kosovë-Serbi, Miroslav Lajçak, se në takimin e nesërm në Bruksel, temë diskutimi do të jenë pretendimet financiare dhe aranzhimet për komunitetin jo shumicë, ka reaguar Drejtori i Zyrës për Kosovën në qeverinë serbe, Marko Gjuriq.

Gjuriq i përgjigjet Lajçakut: Nesër në Bruksel do të flitet për Asociacionin
Lexo po ashtu Gjuriq i përgjigjet Lajçakut: Nesër në Bruksel do të flitet për Asociacionin

Gjuriq ka thënë se për palën serbe pikë e parë e takimit do të jetë Asociacioni i Komunave me shumicë serbe në Kosovë.

Duke i replikuar Laçakut në Twitter , Gjuriq ka shkruar se për Asociacionin është rënë dakord para shtatë vjetësh nën lehtësimin e BE-së derisa ka shpërndarë edhe pikat e asaj marrëveshje.

Presidenti i Kosovës Hashim Thaçi, ka thënë të martën para gazetarëve se rihapja e temës në Bruksel për çështjen e Asociacionit të Komunave me shumicë Serbe, është një kthim prapa për Kosovën.

Thaçi e cilëson të rrezikshëm takimin e së enjtes në Bruksel: Është agjendë e Serbisë
Lexo po ashtu Thaçi e cilëson të rrezikshëm takimin e së enjtes në Bruksel: Është agjendë e Serbisë

Kurse, kryeministri Avdullah Hoti ka thënë se të enjten në Bruksel nuk do të diskutohet tema e Asociacionit të Komunave Serbe.

​Hoti, Thaçit: Nesër nuk është ditë e rrezikshme për vendin, nuk do të diskutohet për AKS-në
Lexo po ashtu ​Hoti, Thaçit: Nesër nuk është ditë e rrezikshme për vendin, nuk do të diskutohet për AKS-në

Ai gjatë diskutimit të sotëm me shoqërinë civile i është kundërpërgjigjur edhe presidentit Hashim Thaçi, duke thënë se nesër nuk është ditë e rrezikshme për vendin. /Telegrafi/

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Tha se ditë të vështira e presin Serbinë, Vuçiq: Nesër ose pasnesër i merrni përgjigjet

Tha se ditë të vështira e presin Serbinë, Vuçiq: Nesër ose pasnesër i merrni përgjigjet

Lajme
Si ndikon dygjuhësia në zhvillimin neurokognitiv te fëmijët dhe roli i teknologjisë – shpjegon Pervizaj, mjeke Neuroshkencës Kognitive

Si ndikon dygjuhësia në zhvillimin neurokognitiv te fëmijët dhe roli i teknologjisë – shpjegon Pervizaj, mjeke Neuroshkencës Kognitive

Elfije Boletini
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Këshilli i Sigurimit i OKB-së refuzon serish propozimin rus të diskutohet për sulmet ajrore të NATO-s mbi Serbinë

Këshilli i Sigurimit i OKB-së refuzon serish propozimin rus të diskutohet për sulmet ajrore të NATO-s mbi Serbinë

Lajme
Kalo në kategori