Një palestinez mesatar në Gazë është duke jetuar me dy copa bukë në ditë, që i merr prej ndihmave të Kombeve të Bashkuara, ka thënë drejtori i Agjencisë së Kombeve të Bashkuara për Refugjatët Palestinezë, Thomas White.
Ai ka thënë se thirrjet kryesore në rrugët e Gazës tani janë “ujë, ujë”.
White, i cili ka thënë se ka qenë në Gazë në javët e fundit, e ka përshkruar vendin si “skenë të vdekjes dhe shkatërrimit”.
Sipas tij, asnjë pjesë tani nuk është e sigurt, dhe njerëzit janë të frikësuar për jetën e tyre, të ardhmen dhe mundësitë për t’i ushqyer familjarët.
Kjo agjenci e OKB-së, është duke i mbështetur 89 furra në Gazë, prej të cilave pritet t’i furnizojnë me bukë 1.7 milion banorë, u ka thënë White diplomatëve të 193 vendeve anëtare të OKB-së, në një takim lidhur me situatën në Gazë.
Sipas tij, “tani njerëzit po kërkojnë diçka tjetër. Po kërkojnë ujë”.
Zëvendëskoordinatorja për Lindje të Mesme e OKB-së, Lynn Hastings, e cila është edhe koordinatore humanitare për territoret palestineze, ka thënë se vetëm një prej tri linjave të furnizimit prej Izraelit janë operacionale.
“Shumë njerëz po varen prej ujit të njelmët, nëse veç ekziston”, ka thënë ajo.
Përgjatë takimit, shefi për ndihma i OKB-së, Martin Griffiths, ka thënë se janë duke u zhvilluar bisedime intensive nga autoritetet e Izraelit, Egjiptit, Shteteve të Bashkuara dhe OKB-së, për të mundësuar dërgimin e naftës në Gazë.
Sipas tij, kjo lëndë është thelbësore për funksionalizim të institucioneve, spitaleve dhe shpërndarjes së ujit dhe rrymës.
Por White ka folur edhe për një problem tjetër.
Sipas tij, ujërat e zeza nuk janë duke u trajtuar dhe po nxirren në det.
“Mirëpo, kur ju bisedoni me punëtorët komunalë, ata tregojnë se kur të mbesin pa naftë, ujërat e zeza do të përhapen nëpër rrugë”.
Sipas tij, mbi 600.000 njerëz janë duke u strehuar në 149 qendra të OKB-së, shumica prej tyre shkolla, mirëpo agjencia e ka humbur kontaktin me shumë prej tyre në pjesën veriore të Gazës, ku Izraeli është duke kryer luftime intensive, si kundërpërgjigje ndaj sulmeve të Hamasit në tokën e tij më 7 tetor.
Sipas tij, mesatarisht, 4.000 njerëz që jetojnë në Gazë, janë duke jetuar në shkolla, pa kushte për ta mbajtur higjienën.
“Kushtet janë dëshpëruese”, pasi gratë dhe fëmijët janë duke fjetur nëpër klasa, ndërsa burrat nëpër ambiente të hapura, ka thënë ai.
White ka thënë se agjencia e OKB-së nuk mund të ofrojë siguri, pasi pesë objekte të saj janë goditur drejtpërdrejt, dhe të paktën 38 persona kanë vdekur në qendrat e tyre të strehimit, përfshirë 72 pjesëtarë të stafit të OKB-së.
Griffiths ka bërë thirrje për pauza humanitare, për të marrë ndihma për palestinezët.
Ai ka bërë thirrje edhe për lirim të të gjitha pengjeve dhe mbrojtje të civilëve në të dyja anët, siç kërkohet me ligjin ndërkombëtar.
Ministria e Shëndetësisë në Gazë ka thënë se mbi 9.000 njerëz janë vrarë në Gazë prej nisjes së luftës Izrael-Hamas.
Kjo shifër nuk është verifikuar në mënyrë të pavarur.
Izraeli ka thënë se nga sulmet e Hamasit në tokën e tij janë vrarë mbi 1.200 njerëz dhe janë marrë mbi 200 pengje. /REL/
Promo
Reklamo këtuLufta Prigozhin - Putin
Më shumëPublikohen pamjet e momentit të atentatit ndaj kryeministrit sllovak
Ish-inxhinieri i NASA-s testoi nëse gjaku i tërheq vërtet peshkaqenët - rezultati është i papritur dhe i frikshëm
Njeriu që kreu atentatin ndaj Robert Ficos dyshohet se është shkrimtari i famshëm sllovak
Qeveria sllovake: Fico po lufton për jetën, gazetarët janë ndër fajtorët për sulmin
Flet për herë të parë i dyshuari që plagosi kryeministrin sllovak - tregon arsyen pse e qëlloi me armë zjarri Ficon
Atentati ndaj kryeministrit sllovak – momenti kur ai i plagosur futet në makinë dhe i arrestimit të të dyshuarit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Guardiolan sa nuk e lëshoi zemra kur Heung-Min Son doli përballë Ortegas në shansin e madh të huqur nga koreani
“Më besoni, Mbappe nuk do t’i bashkohet Real Madridit” – iShowSpeed tregon se ku do të shkojë francezi
Rrëfimi i gruas që pretendon se nuk ka ngrënë apo pirë asgjë për më shumë se 16 vjet
Tre kartonë të kuq ndaj ekipit kundërshtar për t'ia siguruar titullin skuadrës së tij - gjyqtari holandez përjashtohet përjetësisht nga futbolli
Sport1: A po ndodh diçka e paimagjinueshme te Bayerni?
Julian Deda - finalisti i dytë i Big Brother VIP Albania 3