Pas lirimit nga paraburgimi, në arrest shtëpiak të policit Vesel Veseli dhe profesorit Shkëlzen.Xh, për dyshimin se kanë abuzuar seksualisht me një të mitur në Drenas ka reaguar deputetja e Lëvizjes Vetëvendosje (LVV), Albulena Haxhiu.

Përmes rrjetit social në “Facebook”, Haxhiu tha se përdhunuesit e kanë vendin në burg e jo në shtëpi.

“Ndryshimi i masës nga paraburgimi në arrest shtëpiak për përdhunuesit, është goditje e radhës për viktimat e dhunës seksuale dhe dekurajim për raportimin e dhunës seksuale! Përdhunuesit e kanë vendin në burg dhe jo në shtëpi”, ka shkruar në Facebook, Albulena haxhiu.

Pas policit lirohet edhe profesori i dyshuar për keqpërdorim me të miturën në Drenas Pas policit lirohet edhe profesori i dyshuar për keqpërdorim me të miturën në Drenas

Ndryshe, kryeprokurori i Prokurorisë Themelore në Prishtinë, Imer Beka ka thënë prokurori i rastit ka bërë kërkesën për ndryshim të masës, në arrest shtëpiak.

Vajza nga Drenasi  me inicialet A.G dyshohet se fillimisht u dhunua nga mësuesi saj e më pas edhe nga polici.

Lirohet nga paraburgimi polici që dyshohet për përdhunimin e të miturës në Drenas Lirohet nga paraburgimi polici që dyshohet për përdhunimin e të miturës në Drenas

Rreth këtij rasti janë duke u ndjekur penalisht edhe një avokat dhe doktor. /Telegrafi/