Presidentja e Kosovës, Vjosa Osmani ka komentuar deklaratën e fundit të homologut të saj francez, Emmanuel Macron i cili tha se mund të ketë rishikim të politikave të vizave.
Osmani tha se kjo do të ishte mënyra më efektive për ta vrarë dialogun.
“Unë do të thoja që kjo do të ishte mënyra më efektive për ta vrarë dialogun njëherë e përgjithmonë. Nëse dikush dëshiron që të mos ketë më dialog atëherë ndërmerr masa të tilla, që janë masa ndëshkuese ndaj popullit të Kosovës e jo ndaj ndonjë lideri”, tha Osmani.
Presidentja theksoi se një ndëshkim i tillë i pa precedent do të rezultojë me vdekjen e dialogut.
Megjithatë, Osmani theksoi se nuk beson që do të arrijë deri këtu, pasi që sipas saj Kosova e ka merituar shumë vite më parë liberalizimin.
“Sepse atëherë askush nuk ka më mandat në Kosovë që të shkojë në Bruksel kur populli ndëshkohet në aso mënyre. Unë besoj që nuk do të arrijmë deri aty, Kosova i ka plotësuar e stërplotësuar kriteret, dhe ky është proces që Kosova e ka merituar nuk na është dhënë dhuratë”, u shpreh presidentja Osmani.
Presidentja foli edhe për vendosjen e masave ndëshkuese nga BE-ja për Kosovën.
Osmani tha se dakordimi i Kosovës me BE-në ka qenë që obligimet që dalin nga marrëveshja e Bratislavës do të jenë të mjaftueshme që të hiqen masat
“Unë pres që gjatë shtatorit pas takimit, BE-ja do të konstatoj që janë plotësuar kërkesat e saj sa i përket de-eskalimit dhe pastaj do të plotësohen kushtet për heqjen e masave që kanë qenë të padrejta”, u shpreh ajo.
Presidenti i Francës, Emmanuel Macron të hënën në një fjalim para ambasadorëve, ka paralajmëruar masa për Kosovën dhe Serbinë nëse “nuk sillen me përgjegjësi”.
Macron bërë thirrje që palët të riangazhohen edhe për organizim të zgjedhjeve të reja në veri të Kosovës, që serbët të kthehen në institucione të e po ashtu ka përmendur edhe formimin e Asociacionit.
“Franca dhe Gjermania i kanë bërë premtimet e tyre për politikat e vizave dhe çështjet tjera ekonomike, të cilat do të rishikohen nëse të dy palët nuk sillen me përgjegjësi. Ne duhet të jemi tejet kujdesshëm në këtë drejtim, posaçërisht kur stabiliteti i Ballkanit Perëndimor është në rrezik”, tha Macron. /Telegrafi/
Promo
Reklamo këtuLufta Prigozhin - Putin
Më shumëPas largimit të Escobarit dhe Lajçakut, Serwer: Lamtumirë dështimit, dialogu kërkon riformatim
Tragjedia në Shkodër, prokuroria zbulon mesazhet ofenduese dhe tradhtinë në celularin e bashkëshortit të Alma Arrazit
Kusari-Lila demanton Vlora Çitakun: Me PDK-në s’kemi biseduar për zgjedhjet
Gjenerali amerikan, Garffer merr detyrën e shefit të shtabit të KFOR-it në Kosovë
Vajzën ia vranë në Fushë Kosovë, prindërit e argjentinases Clara vijnë në Kosovë
Pamjet e fundit para tragjedisë, Alma dhe fëmijët nisen drejt urës së Bunës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Dy ushtarakë e poshtërojnë Vladimir Putinin - nuk pranojnë ta përshëndesin presidentin rus
Mësohet arsyeja pse nuk ndërhyri VAR-i te goli i anuluar i Bayern Munichut ndaj Real Madridit
Besa dështon ta kualifikojë Shqipërinë në finalen e "Eurovision 2024"
Granit Xhaka, lojtar i ndeshjes Bayer Leverkusen 2-2 Roma: Statistikat e tij janë fantastike
Lista e 50 klubeve më të vlefshme të futbollit: Man Utd lë pas Real Madridin, ngjiten klubet e MLS
Teuta Selimi injoron tërësisht raportimet në media për dhunën nga burri dhe vëllai - paralajmëron koncertin e radhës në Zvicër