Sindikata e Infermierëve, mamive dhe profesionistëve tjerë shëndetësor të Kosovës kanë deklaruar se nuk i mbështetsin protestat e organizatave tjera të paralajmëruara për ditët në vijim.
Përmes një komunikate për medie, ata kanë deklaruar se konsiderojnë që koeficienti për infermierët, mamitë dhe profesionistët tjerë̈ shëndetësor në kujdesin primar dhe sekondar 2.20 dhe për ata në kujdesin terciar 2.25 nuk është vlerësim meritor i komuniteteve të tyre dhe profesionit në përgjithësi.
“Sindikata e Infermierëve, mamive dhe profesionistëve tjerë shëndetësor të Kosovës nuk i mbështetë protestat e organizatave tjera të paralajmëruara për ditët në vijim. Këtë vendim e mbështesim në faktin që konsiderojmë që koeficienti për infermierët, mamitë dhe profesionistët tjerë shëndetësor në kujdesin primar dhe sekondar 2.20 dhe për ata në kujdesin terciar 2.25 nuk është vlerësim meritor i komuniteteve tona dhe profesionit në përgjithësi”, thuhet në njoftimin e tyre.
Tutje kjo sindikatë inkurajojnë anëtarët e Sindikatës së Infermierëve të Kosovës në të gjithë vendin që mos t’u bashkangjiten protestave apo grevave qëllimi i të cilave është presioni që Ligji i Pagave të buxhetohet, të procedohet përfundimisht në Kuvendin e Republikës së Kosovës.
“Nga ky ligj të përfitojnë vetëm disa karegori, ndërsa komunitetet infermier, mami dhe profesionist tjerë shëndetësor nuk do kenë asnjë dobi me koeficientët aktual. Infermierët, mamitë dhe profesionistë tjerë shëndetësor të cilët ende nuk janë anëtar të Sindikatës së Infermierëve të Kosovës shpresojmë që do bëjnë zgjedhjen e duhur në interesin e tyre, ndërsa poashtu bashkangjitja në protesta dhe greva apo jo është vendim personal i tyre”, thuhet tutje.
Më tej ata shtojnë se kërkesa e Sindikatës së Infermierëve të Kosovës është koeficienti 3.2 për të gjitha nivelet e sistemit shëndetësor.
“Çdo koeficient tjetër jashtë kësaj kërkese për Sindikatën e Infermierëve të Kosovës është i papranueshëm. Sindikata e Infermierëve të Kosovës është e hapur që të dialogoj me të gjitha institucionet dhe palët e interesit, ndërsa në asnjë mënyrë nuk do pranojmë kompromise që i dëmtojnë komunitetet tona, siç është tendenca që koeficientët tanë të rregullohen me amandamentim. Sindikata e Infermierëve të Kosovës kërkon që koeficienti 3.2 për komunitetet infermier, mami dhe profesionist tjerë shëndetësor të figuroj si i tillë në Ligj të Pagave. Injorimi i kërkesës së komuniteteve infermier, mami dhe profesionist tjerë shëndetësor për një mirëqenie më të mirë, do ketë për pasojë shfrytëzimin e të gjitha të drejtave kushtetuese, masave dhe veprimeve sindikale duke mos kursyer asnjë nga ato”, thuhet në komunikatë.
Ndryshe, Qeveria e Kosovës ende nuk i është përgjigjur kërkesave të sindikatave, për përfshirjen e këtyre të fundit në hartimin e Projektligjit për Pagat.
Ani pse javë më parë Federata e Sindikatave të Shëndetësisë së Kosovës (FSSHK), mbajti një protestë të cilës iu bashkëngjit edhe SBASHK-u, ku prezantuan shqetësimet e tyre, Qeveria e Kosovës ka vazhduar të qëndroj e heshtur sa i përket këtyre kërkesave.
E këto dy sindikata kanë paralajmëruar se do të marrin veprime radikale nëse Qeveria vazhdon t’i injoroj kërkesat e tyre.
Kryetari i FSSHK-së, Blerim Syla ka thënë për Telegrafin se kanë marrë vendim që të enjten i gjithë personeli shëndetësorë të hyjë në grevë.
“Nuk kemi marrë ende përgjigje nga Qeveria. Ne kemi marrë vendim që të enjten të filloj greva nga ora 07:00 deri në ora 15:00, dhe do të punojmë vetëm për rastet urgjente”, ka thënë Syla.
Ai ka shtuar se greva do të vazhdojë sërish të enjten tjetër.
“Kjo do të vazhdojë edhe të enjten tjetër. Pra greva për këtë fillim do të mbahet vetëm të enjteve”, u shpreh Syla. /Telegrafi/
Lufta Prigozhin - Putin
Më shumë“Ka vetu, e ka bo Zoti dritë dhe e kom pa atë njeri”, thotë dëshmitarja për vrasjen e trefishtë në Gllogjan
A do të jetë Kosova vendi i parë në botë me shumicë myslimane që do të mundësojë martesat e së njëjtës gjini, Martens: Me sa duket po
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Gjenden pa shenja jete dy persona, njëri në Fushë Kosovë e tjetri në Prishtinë
Von Cramon: Nuk ekziston më arsyeja për masat kufizuese të BE-së ndaj Kosovës
Osmani për fjalimin e saj në KS të OKB-së: E kemi thënë të vërtetën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre