Silva dëshiron ta shkëpusë kontratën me Chelsean

Thiago Silva thuhet se po insiston të largohet nga Chelsea gjatë verës në mënyrë që të mund të kthehet në Brazil dhe të luajë për klubin e tij të fëmijërisë, Fluminense.

Mbrojtësi veteran, i cili fitoi Ligën e Kampionëve me Blutë nën drejtimin e Thomas Tuchel në 2021, është frustruar me situatën në Stamford Bridge.

Sipas Globo Esporte, 38-vjeçarit i vjen keq për vendimin e tij për të nënshkruar një zgjatje të kontratës njëvjeçare me Chelsean në shkurt.

Lexo po ashtu Përmes një video në TikTok, Aubameyang shkakton rrëmujë te Chelsea

Gazeta braziliane raporton se Silva po kërkon të prishë kontratën e tij me klubin londinez në fund të sezonit 2022-2023 dhe të nënshkruajë për Fluminense.

Për më tepër, Silva thuhet se është mik i ngushtë me Marcelon dhe është bindur nga ish-ylli 35-vjeçar i Real Madridit për t’u kthyer në klub, i cili është i dyti në Serie A të Brazilit.

Lexo po ashtu Sot është 14 vjetori i "vjedhjes" më të madhe në futboll: Çfarë ka ndodhur me arbitrin e ndeshjes Chelsea - Barcelona

Presidenti i Fluminense Mario Bittencourt dhe ish-sulmuesi Fred gjithashtu kanë kontaktuar Silvan për ta inkurajuar atë të nënshkruajë për klubin përpara se të pensionohet.

Silva ka folur për dëshirën e tij për t’u rikthyer në klubin brazilian Fluminense dhe për të fituar Copa Libertadores përpara se të pensionohet. /Telegrafi/