Një ndër frikërat më të mëdha që i bashkon njerëzit është padyshim marrja e një lajmi të hidhur në lidhje me familjen. Në mendje vërshojnë mendime negative, të cilat janë shumë të vështira që të largohen
Lajmi tronditës se mbreti Charles III është diagnostikuar me kancer, papritur, rriti me 100% kërkimet në Google për kancerin e prostatës (megjithëse u bë e qartë se mbreti nuk vuan nga ky lloj kanceri).
Aktualisht, shumë njerëz në botë ndajnë ankthin dhe frikërat që po përjetojnë tani mbreti Charles dhe fëmijët e tij, princi William dhe princi Harry, ndaj në këtë artikull, ju tregojmë se si ta përballoni lajmin se një prind është diagnostikuar me kancer.
Themeluesja dhe drejtuesja e “The Loss Project”, Carly Attridge, beson se kur njerëzit marrin lajmin se prindërit janë diagnostikuar me kancer, nuk mund të kenë reagime të mira apo të këqija, pasi reagimet e tyre nuk mund të gjykohen. Cilido qoftë reagimi, është mëse “ok”. Sigurisht, edhe reagimet e prindërve janë njësoj.
“Unë mendoj se është shumë e rëndësishme t’i bëjmë prindërit të ndihen se kanë një hapësirë të sigurt, mikpritëse, ku ata do të ndihen të dëgjuar”, tha Attridge, duke shtuar: “Natyrshëm, njerëzit do të reagojnë në mënyra të ndryshme. Disa mund të duan ta shmangin tematikën, disa mund të jenë në gjendje mohimi, të tjerë do të duan të flasin. Ne thjesht mund të jemi prezent dhe t’i dëgjojmë kur ata të jenë gati. Nuk ka një manual”.
Ndërsa Dr. Hana Patel, eksperte e shëndetit mendor, shpjegon:
“Prindërit, një ditë mund të ndihen të lumtur dhe të nesërmen të trishtuar. Kujtoni se ata ndoshta nuk duan të flasin ose të mendojnë për kancerin gjatë gjithë kohës. Nëse nuk duan ta bëjnë, ose zgjedhin të fokusohen te diçka tjetër, ju mos e merrni personale dhe respektoni dëshirën e tyre për privatësi dhe qetësi. Nga ana tjetër, duhet të kryhen edhe biseda normale për përditshmërinë dhe mund të bëhen edhe shaka”.
Ekspertja Carly Attridge nxit fëmijët që të mbajnë një ditar dhe të shkruajnë ndjesitë e ndryshme që përjetojnë. Ditari ju ndihmon që të nxirrni nga vetja zemërimin, konfuzionin, ankthin etj, si dhe shpresat dhe qëllimet që keni.
Gjithashtu, është e rëndësishme që të përqendroheni tek e bukura dhe gëzimet që jeta ju sjell, të cilat mund t’i ndani me prindërit, citon Anabel.
Disa këshilla nga ekspertët:
▪ Tregoni durim, empati dhe transparencë. Mos i gjykoni të sëmurët dhe as fëmijët, ndërsa kalojnë në një periudhë të tillë në jetën e tyre
▪ Kërkoni ndihmën e njerëzve të dashur, specialistëve dhe njerëzve që ju rrethojnë dhe janë gati t’ju japin një dorë
▪ Përqendrohuni edhe te ndjesitë tuaja dhe konsultohuni me një ekspert të shëndetit mendor, nëse e shihni të nevojshme
▪ Mos u mundoni të jepni këshilla të tepërta mjekësore
▪ Mos u mundoni “të rregulloni situatën”
▪ Mos i “detyroni” prindërit të tregojnë çdo ndjesi apo mendim
▪ Reflektoni, meditoni dhe lidhuni me natyrën. Gjatë gjithë këtij rrugëtimi, mos e harroni veten
▪ Flisni me prindërit, krijoni kujtime dhe zhvilloni sa më shumë biseda normale.
/Telegrafi/
Promo
Reklamo këtuLufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak