Si të kuptoni që fëmija juaj ka hundë të devijuar: Gjashtë simptoma janë kyçe
Vetëm një shenjë i mjafton, ja si ta trajtoni atë
Problemet e frymëmarrjes mund të tregojnë probleme të shumta shëndetësore, por këto janë simptoma të devijimit të hundës te fëmijët.
A është e vështirësuar frymëmarrja e fëmijës tuaj? A ka ai një rrjedhje të vazhdueshme të hundës? A gërhin gjatë gjumit dhe merr frymë me gojë të hapur?
Nëse përgjigjja për të gjitha pyetjet e mësipërme është “po”, fëmija juaj mund të ketë hundë të devijuar, transmeton Telegrafi.
Simptomat e përgjithshme të devijimit janë:
▪ Rrjedhje kronike e hundës
▪ Gjakrrjedhje kronike nga hunda
▪ Hunda e bllokuar kronike, veçanërisht në njërën anë
▪ Frymëmarrje e rëndë
▪ Infeksionet e shpeshta të sinuseve
▪ Frymëmarrje e zhurmshme gjatë gjumit
Meqenëse foshnjat lindin me një refleks të frymëmarrjes nga hunda dhe mësojnë të marrin frymë nga goja vetëm në muajin e dytë të jetës.
Devijimi manifestohet kryesisht si vështirësi në frymëmarrje me hundë, gjë që e bën të pamundur që ata të ushqehen normalisht dhe në këtë mënyrë bëjnë më pak progres.
Si ta trajtoni devijimin e hundës
Në shumicën e rasteve, pediatri fillimisht përshkruajnë sprej për hundë, por përdorimi shumë i gjatë mund të shkaktojë probleme varësie apo edhe të përkeqësojë simptomat. Pediatrit paralajmërojnë se kjo metodë trajtimi nuk do ta korrigjojë gjendjen, por vetëm do të zbusë simptomat. Mënyra e vetme për të korrigjuar devijimin është një operacion i quajtur septoplastikë.
Septoplastika është një lloj kirurgjie plastike rikonstruktive që kryhet tërësisht përmes vrimave të hundës. Ndonjëherë kombinohet me procedura të tjera që do të mundësojnë frymëmarrje më natyrale përmes hundës (p.sh. operacioni i sinusit, kauterizimi i hundës, endoskopia e hundës ose zvogëlimi i turbinatit inferior).
Ky lloj operacioni kryhet më shpesh në adoleshencë (të paktën 16 vjeç për vajzat dhe 17-18 vjeç për djemtë) sepse kërci i tyre është ende në zhvillim dhe një procedurë e hershme mund të ndikojë në rritjen e mesit të fytyrës.
Megjithatë, nëse pengimi i hundës është i rëndë dhe shkakton probleme të konsiderueshme në frymëmarrje, septoplastika mund të kryhet në një moshë më të hershme. Mjekët pediatër sqarojnë se nuk operohet çdo devijim i hundës, por vetëm format më të rënda, transmeton “Pediatric ent Associates”. /Telegrafi/
Lufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Mbyllet gjysmëfinalja e parë e Eurovisionit - këto janë 10 vendet që u kualifikuan në finalen e madhe
Katër vite pritje, Dortmundi tani me një veprim hakmarrës turpëron PSG-në në rrjetet sociale
Bonusi i jashtëzakonshëm që Bellingham do ta fitojë nëse Real Madridi fiton Ligën e Kampionëve
Ish-legjenda e njohur e Real Madridit i bashkohet Ronaldos tek Al-Nassr
Shumë debate për këtë moment: A ishte penallti për PSG-në kur Hummels e rrëzoi Dembelen?
Çka është rregulla 30:30:30:10 kur bëhet fjalë për financat dhe si duhet ta shfrytëzoni?