Si duhet vepruar për të lehtësuar problemet me mundimin gjatë udhëtimit

Të përzierat, marramendja dhe të vjellat janë vetëm disa nga problemet me të cilat përballen shumë njerëz kur shkojnë në një udhëtim.

Për ta bërë më të lehtë udhëtimin për veten tuaj, këto janë truket natyrale që mund t’ju ndihmojnë ta përballoni atë më lehtë.

Sigurohuni që të mos hani ushqim të rëndë përpara nisjes dhe mos lexoni gjatë udhëtimit. Nëse jeni duke udhëtuar me aeroplan, zgjidhni vendet në mes të avionit, ndërsa nëse është një anije, keni nevojë për kabina që ndodhen në thellësi dhe në mes të anijes.

Shmangni parfumet e forta dhe siguroni një burim ajri të pastër.

Lexo po ashtu Kush duhet të marrë tableta kundër të përzierave në stomak? Cila është zgjidhja më e mirë për udhëtim të gjatë

Xhenxhefili
Nëse keni të përziera dhe marramendje, përpiquni ta lehtësoni veten me xhenxhefil. Pini dy kapsula xhenxhefili me ujë (ose dy copa xhenxhefil të freskët), pasi kjo bimë thith acidin e stomakut dhe parandalon të përzierat. Do të ndihmojë gjithashtu nëse pini lëng xhenxhefili ose çaj.

Ullinj dhe limon
Hani disa ullinj përpara udhëtimit, sepse përmbajnë taninë dhe reduktojnë natyrshëm rritjen e pështymës. Nëse ullinjtë nuk ju ndihmojnë, merrni limon.

Pritini në feta dhe vendoseni në një qese plastike. Kafshoni fetat e limonit herë pas here për të lehtësuar simptomat e nauzesë.

Lexo po ashtu Si mund të mos kenë mundime fëmijët gjatë udhëtimit? Disa truke për një pushim më të lehtë

Fuqia e nenexhikut
Karamelet me mentol mund të ndihmojnë gjithashtu me sëmundjet e udhëtimit. /Telegrafi/