LAJMI I FUNDIT:

Kush duhet të marrë tableta kundër të përzierave në stomak? Cila është zgjidhja më e mirë për udhëtim të gjatë

Kush duhet të marrë tableta kundër të përzierave në stomak? Cila është zgjidhja më e mirë për udhëtim të gjatë

Edhe pse kjo gjë u ndodh zakonisht fëmijëve, edhe të rriturit e kanë këtë problem

Zakonisht përkufizohet si “sindromë e përshtatjes së keqe ndaj lëvizjeve”, sëmundja e detit, e veturës apo e aeroplanit.

Fjala është për porositë kontradiktore që arrijnë në trurin tonë, domethënë deri në qendrën e ekuilibrit, e cila gjendet në veshin tonë dhe në atë që e vërejmë me sy, transmeton Telegrafi.

Kjo mund të shpjegohet me një shembull të thjeshtë, sikur udhëtojmë me automobil apo autobus dhe qëndrojmë ulur dhe qendra jonë e ekuilibrit vëren që qetësohemi, por, nëse shikojmë nga dritarja shqisa jonë e të parit merr informacion që po lëvizim.

Kështu arrihet deri te njohuritë kontradiktore të shqisave tona, gjë që mund të nxisë të përziera dhe probleme të tjera të theksuara.

Më së shpeshti këtë problem e kanë fëmijët midis moshës katër dhe dhjetë vjeç, ndonëse është e sigurt që edhe personat e rritur, së paku në një periudhë të jetës së tyre, shpesh përjetojnë shqetësime të tilla

Megjithëse simptomat e sëmundjes së lëvizjes janë zakonisht të lehta, ato mund të shfaqen gjithashtu në formën e dhimbjes së kokës, zhurmës në vesh, djersitjes së ftohtë dhe dobësisë, dhe mund të shfaqen probleme më serioze, të tilla si të vjella, një rënie e presionit të gjakut dhe madje edhe kolaps. Pra mund të ndodhë që personi të humbasë vetëdijen, që është ende një dukuri e rrallë.

Si ta zgjidhim problemin?

Sigurisht që ka edhe ilaçe, të cilat zakonisht merren gjysmë ore para nisjes. Ato janë efektive, por kanë një efekt të kufizuar, që zgjat rreth katër orë. Këto barna kanë efekte negative, shkaktojnë përgjumje dhe janë të ndaluara për këdo që drejton një automjet. Ka edhe disa zgjidhje natyrale që mund të ndihmojnë.

Xhenxhefili dhe nenexhiku janë barëra medicinale që mund t’i lehtësojnë këto sëmundje gjatë udhëtimit. Çdo gjë me mente në të do të ndihmojë me të përzierat.

Nuk e dini përse udhëtimi me veturë nxit vjelljen? Ja arsyeja e habitshme
Lexo po ashtu Nuk e dini përse udhëtimi me veturë nxit vjelljen? Ja arsyeja e habitshme

Gjithashtu duhet theksuar se ata që vuajnë nga të përzierat nuk duhet të ulen pranë dritares. Përveç kësaj, është e rëndësishme të pini shumë lëngje, sepse çdo ndjenjë dehidrimi nxit të përzierat. Gjithashtu, nuk duhet ta filloni udhëtimin me stomakun bosh, por sigurohuni që të konsumoni një vakt të lehtë proteinik dhe të bëni pushime më të shpeshta gjatë udhëtimit.

Ajo që gjithashtu ka një rëndësi të madhe, është të mos shikosh telefonin apo tabletin për aq kohë sa të jetë e mundur. /Telegrafi/

Në trend Shëndetësi

Më shumë
Tetë mënyra efektive për të ndaluar dhimbjen e dhëmbit në kushte shtëpie

Tetë mënyra efektive për të ndaluar dhimbjen e dhëmbit në kushte shtëpie

Shëndetësi
Kalo në kategori