Shtohet numri i të rriturve që kanë dëshirë të luajnë me lodra fëmijësh (Foto)

Hulumtuesit kanë zbuluar se të rriturit po blejnë në masë të madhe lodra fëmijësh dhe numri tyre po shtohet në masë të madhe.

Gjatë vitit të kaluar, çdo e 11-ta lodër që është shitur në Britani të Madhe, është blerë nga një i rritur për vete, transmeton Telegrafi.

Madje, tregu i këtyre produkteve që janë më të shtrenjta, po zgjerohet dhe vetëm më 2016 ka mbledhur mbi 350 milionë euro.

Statistikat tregojnë se të rriturit e vetmuar, janë më të prirë të blejnë lodra, se sa ata që kanë fëmijë, ndërsa meshkujt janë më kërkues në këtë aspekt.

Shumica e konsumatorëve janë nga 18 deri në 34-vjeçar, që kërkojnë figura heronjsh nga filmat, makina të vogla nga kompanitë e famshme dhe puzla të ndryshme.

“Derisa është normale që të shihen të rriturit duke luajtur video-lojëra, pse të mos blejnë lodra dhe të improvizojnë në shtëpi”, është komentuar lidhur me rastin.

Mungesa e lodrave në fëmijëri dhe mundësia për t’i pasur tani, besohet të jetë faktori që po i shtynë të kërkojnë për këto produkte, jo ndonjë e metë psikike. /Telegrafi/