LAJMI I FUNDIT:

Shtëpia në Poklek ku forcat serbe masakruan 53 civilë po bëhet muze

Shtëpia në Poklek ku forcat serbe masakruan 53 civilë po bëhet muze

Në përvjetorin e 25-të të masakrës së Poklekut në Drenas, pritet të përfundojë rinovimi dhe të kthehet në muze shtëpia në të cilën forcat serbe ekzekutuan 53 civilë, ndër ta 23 fëmijë.

Ky lajm e ka gëzuar Fadil Muqollin, të cilës më 17.04.1999, forcat serbe ia vranë katërmbëdhjetë anëtarë të familjes së ngushtë, babanë, nënën, katër motrat, bashkëshorten me katër fëmijë, dhe bashkëshorten e vëllait me dy vajza.


Gjashtë civilë arritën të dalin të gjallë nga shtëpia, dy u ekzekutuan në oborr, ndërsa 51 civilë ndër ta 23 fëmijë, u ekzekutuan brenda një dhome.

Kjo shtëpi në Poklek të vjetër të Drenasit ruan kujtimet e krimeve makabër nga forcat serbe.

Masakra ku u ekzekutuan 53 civilë, do të dokumentohet e do kthehet në muze për vizita, me investim të Ministrisë së Kulturës.

“Kur jav ka gju bombën, njerëzit i ka shkepur edhe i kanë plaguar. Edhe kur ka hy brenda edhe ka gju me pushkë automatike i ka vra të gjithë, këta gjaku që u shkep i atyre njerëzve”, tha Fadil Muqolli, familjar i viktimave.

Fadili flet për masakrën e 17.04.1999, atij i janë vrarë 14 anëtarë të familjes së ngushtë.

​E mbijetuara e Masakrës së Poklekut kujton tmerrin e përjetuar
Lexo po ashtu ​E mbijetuara e Masakrës së Poklekut kujton tmerrin e përjetuar

Në shkallë janë të skalitura në metal figurat e atyre që i mbijetuan ekzekutimit e u nisën shkallëve për të shpëtuar.

Muqolli thotë se për mbi 20 vjet, për çdo ditë, sa herë kthehet në shtëpi, hynë në shtëpinë e vjetër, aty ku jetuan me mbi 20 anëtarë të familjes, i fik dritat, e largohet me kujtimet e fytyrave e zërave të tyre.

Ditëve të fundit në bllokun e vizatimeve të motrës Hafisë, ka gjetur një vizatim që është bërë disa vite para luftës.

“Këtu shihen forcat serbe me dy tanke, një serb që e ka gjuajtur armën dhe një shqiptar me plis te kulla tu e gju, duke e sulmu, mos me e lanë me e prek kullën…Ajo e ka ndje se nuk do ta shijojë lirinë”, tha Muqolli.

Bashkë me orenditë e gjësendet e shtëpjsë vizitorët do të kenë mundësi të njohin edhe fytyrat e viktimave të këtij krimi makabër

“Këtu më janë vrarë katërmbëdhjetë anëtarë të familjes së ngushtë, baba, nëna, katër motrat, bashkëshortja me katër fëmijë, një vajzë e tre djem, edhe bashkëshorjta e vëllaut me dy vajza, që vajza e vogël, Iria ka lindur në luftë, i ka pasur vetëm gjashtë muaj”, tha tutje Muqolli.

Muqolli pret që në përvjetorin e 25-të të masakrës të përfundojnë punimet dhe shtëpia të kthehet në muze, me cicëron e digjitalizim të historikut. Ajo që e brenë e që nuk e thotë Fadili është se ka frikë që të rinjtë do të harrojnë historinë e dhimbshme të rrugës drejt lirisë.

Gjatë luftës së fundit në Kosovës janë vrarë mbi 1024 fëmijë, 109 ende mbeten të zhdukur. /Tv Dukagjini/

Në trend Lajme

Më shumë
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer

Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer

Lajme
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë

Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë

Lajme
Server: Qeveria e re e Serbisë me bashkëpunëtorë të sulmit terrorist të Banjskës

Server: Qeveria e re e Serbisë me bashkëpunëtorë të sulmit terrorist të Banjskës

Lajme
Anëtarësimi i Kosovës në KiE, Knaus: Disa shtete, përfshirë Francën e Gjermaninë po përgatiten ta bllokojnë votimin në maj

Anëtarësimi i Kosovës në KiE, Knaus: Disa shtete, përfshirë Francën e Gjermaninë po përgatiten ta bllokojnë votimin në maj

Lajme
“E çela vrimën në mur, i preva tre palë tela dhe ika arave deri në Lipjan”- Arratisja e Faton Hajrizit nga Bondsteel-i dhe Burgu i Pejës

“E çela vrimën në mur, i preva tre palë tela dhe ika arave deri në Lipjan”- Arratisja e Faton Hajrizit nga Bondsteel-i dhe Burgu i Pejës

Siguri
Fundjava e parë pa kufi Kosovë-Shqipëri, qytetarët: Jemi një komb, s’duhet të ketë kurrë kontrolle

Fundjava e parë pa kufi Kosovë-Shqipëri, qytetarët: Jemi një komb, s’duhet të ketë kurrë kontrolle

Lajme
Kalo në kategori