Shtëpia juaj në një resort luksoz në bregdetin e bukur të Jonit? Nga sot, kjo nuk është më një ëndërr… (Foto)

Deri tani, kemi menduar se jo të gjithë kanë mundësi të blejnë një pronë në vendin më të lakmuar të Rivierës shqiptare, në Palasë, të cilësuar si i tillë nga shumë media prestigjioze ndërkombëtare si Lonely Planet, The Huffington Post etj. Nga sot numri i atyre që mund të realizojnë një ëndërr të tillë, rritet si rezultat i skemave financiare risi që ofrohen për herë të parë në Shqipëri nga “Green Coast Luxury Resort”.

Strukturat menaxhuese që përdoren në Resortet më të mëdha në Europë po sjellin në Green Coast dhe në tregun imobilar Shqiptar eksperiencën e tyre më të mirë. Këto struktura menaxhimi kanë gjetur mbështetje shumë të madhe nga blerësit vendas por padyshim janë suportuar nga blerësit e huaj të cilët janë të familjarizuar me të tilla stuktura, ndër të cilat mund të përmendim “Property Share” dhe “Renting Program”.

Por çfarë është Property Share (investimi në bashkëpronësi)?
“Property Share” është investim në bashkëpronësi ku dy ose më shumë persona mund të blejnë një pronë, duke investuar në përqindje të ndryshme pagese. Në bazë të kësaj kuote lindin dhe respektohen edhe të drejtat dhe detyrimet që ka secili bashkëpronar, përfshirë këtu edhe përfitimin e pronësisë me dokumentacion të rregullt. Edhe përdorimi i njësisë do të bëhet në bazë të kuotës së investimit. Për shembull: Bashkëpronari që ka investuar 30% të vlerës së njësisë ka të drejtë përdorimi të 30% të ditëve të vitit pra 110 ditë/vit. Ndërsa pronari që ka investuar 70% të vlerës, ka të drejtë përdorimi të 70% të ditëve të vitit, pra 255 ditë/vit.

Kjo skemë të jep mundësinë që të jesh bashkëpronar në një nga resortet më të mira në rajonin e Ballkanit, duke investuar sipas mundësisë që ka gjithësecili. Përveç kësaj, të gjithë banorët e “Green Coast Luxury Resort” (pavarsisht % së investimit në pronë) kanë mundësinë të bëhen pjesë e “Programit të Qiradhënies” (Renting Program) për të pasur një kthim investimi të shpejtë.

Çfarë është Renting Program (Programi i Qiradhënies)
“Renting Program” është programi i qiradhënies së pronës, i menaxhuar plotësisht nga zyrat e administrimit të Green Coast, me qëllim kthimin e shpejtë të investimit për pronarët. Pronari i njësisë dhe Green Coast nënshkruajnë një marrëveshje menaxhimi, nëpërmjet së cilës bihet dakort që Green Coast të kërkojë klientë potencialë për të dhënë me qera pronën tuaj. Në kontratë do të paraqiten qartë të drejtat dhe detyrimet e secilës palë, si dhe përfitimet e secilit (fitimi mund të jetë në raportin 50%-50% ose 60%-40% në varësi të rastit).
Pjesë e kësaj skeme mund të bëhen edhe ata të cilët kanë përfituar nga “Property Share”. Bashkëpronari përcakton ditët për përdorim vetjak dhe ato për dhënie me qera dhe njofton stafin përgjegjës të Green Coast për të ndjekur procedurat e mëtejshme.

Çfarë ofron Green Coast?
Mes një kombinimi ideal të natyrës, detit, kulturës, historisë, “Green Coast Luxury Resort” do të jetë një përvojë unike, për çdo individ që do të jetë pjesë e këtij projekti tashmë të kthyer në një kantier ndërtimi, ku po punohet me ritme të jashtëzakoshme për të mbyllur fazën e parë të resortit. Duke u bërë pjesë e “Green Coast Luxury Resort”, gjithësecili bëhet pjesë e një komuniteti elitar, me status dhe privilegj, siguri maksimale, shërbime dhe facilitete të përzgjedhura.

Investimi në të është një investim i zgjuar, i sigurt dhe në rritje, nëpërmjet menaxhimit profesional të pronës. I vetmi në llojin e tij në Shqipëri dhe në rajonin e Ballkanit, “Green Coast Luxury Resort” sjell një tjetër epokë dhe standart në turizmin elitar. Ofron shumëllojshmëri në vila dhe apartamente dhe kujdes të veçantë në ofrimin e shërbimeve, ku përfshihen bar resortante, water park, Wellness & SPA, fusha sportive, supermarket, fast food, farmaci, qendër shëndetësore, pishina etj.

“Green Coast Luxury Resort” po ndërtohet nga Balfin Group, grupi më i madh dhe inovator i investimeve në Shqipëri dhe në Rajonin e Ballkanit.

Për më shumë informacion vizitoni faqen www.greencoast.al ose kontaktoni në info@greencoast.al/ +355662020252