Qendra Federale për Riadaptimin Social (Ceferoso) numër 1, e njohur më mirë si “El Altiplano”, është burgu i sigurisë së lartë ku po mbahet Ovidio Guzman, djali i Joaquin ‘El Chapo’ Guzman, i cili do të mbrohet pas arrestimit të tij.
Autoritetet meksikane të enjten njoftuan se e kishin arrestuar Ovidio Guzman në një operacion herët në mëngjes në Culiacan, një qytet veriperëndimor që ka qenë prej kohësh baza e kartelit Sinaloa, transmeton Telegrafi.
Por si është burgu i sigurisë maksimale në Meksikë?
Burgu ndodhet në qytetin Santa Juana, komuna e “Almoloya-s de Juarez”, në shtetin e Meksikës.
Objekti konsiderohet me sigurinë më të madhe në Meksikë dhe është ndërtuar midis viteve 1988 dhe 1990 me urdhër presidentit të atëhershëm Carlos Salinas de Gortari.
Burgu Almoloya që quhet edhe kështu, ka një sipërfaqe prej 260 mijë metrash katrorë dhe ka një kapacitet për të strehuar deri në 724 të burgosur.
Si është burgu i Altiplanos?
Sipas raportit të titulluar ‘Vlerësimi i proceseve. Programi buxhetor; Administrimi i Sistemit Federal Penitenciar’, i paraqitur nga Komisioni i Sigurisë Kombëtare (CNS) dhe i bërë në bashkëpunim me Universitetin Kombëtar Autonom të Meksikës (UNAM) dhe Institutin e Kërkimeve Sociale (IIS), burgu ka karakteristika të ndryshme që e bëjnë atë pothuajse të padepërtueshëm.
Për shembull, ka mure të përforcuara me trashësi një metër. Përveç kësaj, hapësira ajrore është kufizuar si dhe komunikimet, të cilat janë të kufizuara në një rreze prej 10 kilometrash.
Gjithashtu ka sisteme dhe pajisje sigurie elektromekanike dhe elektronike si: televizion me qark të mbyllur, kontroll aksesi, alarme, detektorë metali, eksplozivë, komunikim radio, zë dhe të dhëna, sensorë prezence dhe telefoni.
Sa i përket personelit të sigurisë që ruan burgun e sigurisë maksimale , ata janë gjithmonë të armatosur rëndë dhe të përgatitur për çdo eventualitet të mundshëm.
Megjithatë, sipas raportit, burgu i Almoloya-s ka edhe mangësi të caktuara si mungesa e personelit në të gjitha fushat për shkak të numrit të lartë të të burgosurve, si dhe instrumenteve dhe pajisjeve mjekësore të vjetruara.
Ndërsa Komisioni Kombëtar i të Drejtave të Njeriut (CNDH) bën edhe disa vëzhgime në lidhje me burgun, si: personeli i pamjaftueshëm i sigurisë dhe i paraburgimit, ndarja e dobët mes të pandehurve dhe të dënuarve, aktivitetet e pamjaftueshme ose inekzistente, arsimore, punë dhe trajnime, si dhe mangësi në kujdesin për të moshuarit dhe programe të pamjaftueshme për parandalimin e varësive.
“Cefereso numër 1” , duke u konsideruar si një burg i sigurisë maksimale, ka qenë shtëpia e bosëve dhe kriminelëve më të kërkuar në vend, siç është rasti i El Chapo Guzman , Oscar Omar Trevino Morales, i njohur si ‘El Z-42’, Miguel Angel. Trevino Morales i njohur si ‘El Z-40’, Daniel Arizmendi Lopez, ‘El mochaorejas’, Miguel Angel Felix Gallardo, Jose Antonio Yepez Ortiz, ‘El Marro’, ndër shumë të tjerë. /Telegrafi/
Lufta Prigozhin - Putin
Më shumëPse Greqia dhe Spanja po refuzojnë ta furnizojnë Ukrainën me sisteme të mbrojtjes ajrore?
Zelensky paralajmëron për një "Çernobil të dytë"
Ukraina tërheq nga vijat e frontit tanket amerikane Abrams për shkak të kërcënimeve nga dronët rus
Blinken: Rusia do të përballej me vështirësi në Ukrainë nëse nuk do të kishte ndihmën e Kinës
Franca dhe Gjermania nënshkruajnë marrëveshjen miliarda euroshe mbi një projekt armësh
SHBA fillon ndërtimin e bazës lundruese në brigjet e Gazës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre