Pesë shprehi që mund t’i përfshijmë në rutinën tonë të mëngjesit duke filluar nga nesër dhe do të bëjnë mrekulli për funksionimin e duhur të tretjes.
Është pjesa e trupit që punon shumë çdo ditë për të tretur ushqimin, për të forcuar sistemin imunitar dhe për të rregulluar humorin. Është mirë t’i kushtojmë vëmendje edhe atij, t’i tregojmë pak dashuri dhe ta ndihmojmë të funksionojë siç duhet, duke mbështetur funksionimin normal të organizmit tonë.
Gastroenterologët ndajnë praktika efektive që kontribuojnë në funksionimin e mirë të sistemit gastrointestinal, transmeton KosovaPress.
“Zakonet dhe sjelljet e shëndetshme të përfshira në rutinën tonë të mëngjesit vendosin tonin për pjesën tjetër të ditës dhe çojnë në sjellje më të shëndetshme në përgjithësi, të cilat gjithashtu mund të përmirësojnë shëndetin e tretjes”, vëren Dr. Aditya Sreenivasan, një gastroenterologe në spitalin Lenox Hill në New York që zbulon pesë shprehitë e mëngjesit – janë aq të lehta sa mund t’i filloni nesër:
1– Pini një gotë ujë para kafesë. Temperatura e ujit nuk ka rëndësi. Është e rëndësishme të pini ujë duke kontribuar kështu në hidratimin adekuat të trupit tuaj. Në këtë mënyrë zvogëlohet mundësia e problemeve si fryrja e barkut, dispepsi, kapsllëku e deri te ngrënia e tepërt.
2– Hani mëngjes në një kohë të caktuar. Në këtë mënyrë ju ndihmoni trupin të rregullojë një sërë hormonesh që kontrollojnë një sërë funksionesh nga disponimi deri te lëvizjet e zorrëve. Rregullsia e ngrënies së mëngjesit ndihmon në përballimin e kapsllëkut, si dhe për ata që kanë problem me zorrët e irrituar.
3– Zgjidhni një mëngjes të pasur me fibra. Në këtë mënyrë ju do të përmirësoni mikrobiomën tuaj të zorrëve në vetëm dy javë sipas hulumtimit të publikuar në mSystems. Përveç kësaj, ju luftoni kapsllëkun. Mëngjesi ideal i Dr. Aditya Sreenivasan përmban drithëra, proteina, fruta dhe perime. Por është mirë të shmangni proshutën dhe salsiçet pasi konsumimi i shpeshtë i tyre është lidhur me inflamacionin e traktit gastrointestinal dhe është shoqëruar me rritjen e rrezikut të kancerit të zorrës së trashë.
4– Bëni një shëtitje. Duke vepruar kështu, trupi juaj përfiton shëndet më të mirë të zemrës, rregullim të peshës, humor të përmirësuar dhe sistem imunitar më të fortë. Përveç kësaj, aktiviteti fizik kur është sistematik lufton edhe problemet gastrointestinale si kapsllëku dhe fryrjet.
5– Jini të qëndrueshëm me… zorrët tuaja. Në praktikë, kjo do të thotë t’i përmbahesh një programi ditor të jashtëqitjes. Kini parasysh se mungesa e rregullt e jashtëqitjes e predispozon trupin për zhvillimin e hemorroideve.
Lufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Si Izraeli përdori dronët për të ngatërruar mbrojtjen ajrore iraniane përpara se të "gjuante raketat supersonike Rampage" - një sulm preciz që heshti Teheranin
Kryesuesja në KS të OKB-së përplaset ashpër me Vuçiqin për minutat e fjalimit
Përplasja e SHBA-së me Rusinë në KS të OKB-së: Nuk mund të ndryshoni historinë e intervenimit të NATO-s në Kosovë
Gjykimi për vrasjen e trefishtë në Gllogjan, dëshmitari tregon se çka i kishte thënë i akuzuari në natën kritike
Katër të mbijetuara të luftës nuk u lejuan të futeshin në sallën e KS të OKB-së, Osmani refuzoi pjesëmarrjen derisa lëshoi pe protokolli
"Ndoshta pse jam shqiptare", Dua Lipa zbulon një talent sekret që ka të bëjë me prejardhjen e saj