Shpërthimi i dy bombolave të gazit brenda një dite në dy qytete të ndryshme të Kosovës, ka bërë që qytetarët të shqetësohen rreth përdorimit të gazit për t’u ngrohur gjatë stinës së dimrit.
Shpërthimet e djeshme në Prishtinë dhe në Pejë, sipas Inspektoratit për Energji – që vepron në kuadër të Ministrisë së Zhvillimit Ekonomik (MZHE) – thuhet se janë pasojë e instalimit të gypave joadekuat.
Kryeinspektori Hysni Komoni, ka thënë për Telegrafin se në këto raste kemi të bëjmë me rrjedhje të gazit nëpër instalime, për çka kanë ndodhur shpërthimet.
Ai ka theksuar se bombolat kanë qenë të sigurta, porse rrjedhja vjen nga pakujdesia apo nga instalimi jo i mirë të gypave ku kalon gazi.
“Një shkëndijë, sado e vogël – qoftë edhe ndezja dhe ndalja e dritës – mund të krijojë eksplodim”, ka thënë ai. “Gjatë përdorimit të bombolës duhet të bëhet ajrosja natyrale: hapja e dritareve etj.”.
Sa i përket përgjegjësisë institucionale, ai thotë kompanitë kanë përgjegjësi vetëm për bombolat e jo për gypat. Ndërsa, shton se po të kishte probleme me bombolat, do të kishte eksploduar ajo.
“Por, incidenti ka ndodhur për shkak të rrjedhjes. Qytetarë gypat i blejnë nëpër shitore të caktuara. Ato janë produkte që i importojnë kompani të ndryshme e që janë të obliguara t’i kenë të dhënat për secilin produkt. Nëse dikush i shet dikujt një gyp që nuk është adekuat, blerësi e ka për obligim që rastin ta paraqesë në Inspektoratin e Tregut e që ky institucion t’i marrë masat e nevojshme”, ka sqaruar Komoni.
Sipas tij, është e vështirë të thuhet se çdo bombol i plotëson kriteret, porse Ligji nuk lejon të importohen bombola më të vjetra mbi 15 vite.
“Dogana në ato raste nuk i lëshon. Pastaj, nëse ka problem në verifikim, ftohet Inspektoratin përkatës i cili e bën një mbikëqyrje të dokumentacionit përcjellës. Aty duhet të jenë të dhënat se kush e ka prodhuar dhe ku është prodhuar. Duhet të ketë deklaratë të konformitetit – vërtetimin se pajisja është prodhuar konform ligjeve, rregullave dhe standardeve”, ka shtuar ai.
Nga Ministria e Tregtisë dhe Industrisë (MTI) kanë thënë se një ndër kushtet e përcaktuara me Nenin 5 të Udhëzimit Administrativ Nr. 2006/08 – për licencimin e subjekteve afariste për tregtinë me gazin e lëngëzuar të naftës dhe gazrave tjera – është certifikata që dëshmon plotësimin e kërkesave të sigurisë së pajisjeve nën presion (që lëshohet nga Ministria e Zhvillimit Ekonomik- MTI), dhe pëlqimin mjedisor të lëshuar nga Ministria e Mjedisit dhe Planifikim Hapësinor (MMPH). Ata kanë sqaruar se MTI-ja është përgjegjëse për licencim të subjekteve afariste, nëse ato plotësojnë dokumentacionin e kërkuar.
“MTI është duke punuar në ndryshimin dhe plotësimin e udhëzimit administrativ dhe e ka dërguar të njëjtin për konsultim publik te ministritë e linjës kompetente, për të dhënë propozimet në fushat të cilat janë përgjegjëse”, kanë theksuar nga kjo Ministri.
Për problemin e bombolave të gazit ka folur edhe kryetari i Shoqatës së Naftëtarëve të Kosovës, Fadil Berjani, i cili ka thënë për Telegrafin se tash e disa vite agregatët e furnizimit me gaz nëpër pompa, nuk janë kalibruar. Ai, ka dyshime për cilësinë e gazit me të cilën furnizohen konsumatorët.
“MTI lëshon licenca pa kalibrim të agregateve të gazit”, ka thënë Berjani.
Ndryshe, dje në Pejë ka ndodhur një shpërthim i bombolës së gazit, nga e cila kanë mbetur të lënduar katër persona, të cilët fatmirësisht janë jashtë rrezikut për jetë. Po ashtu të hënën në Prishtinë, një person ka mbetur i lënduar nga shpërthimi i një bombole gazi që ka ndodhur në një banesë në rrugën “Beqir Kastrati” në lagjen “Mati 1”. /Telegrafi/
Promo
Reklamo këtuLufta Prigozhin - Putin
Më shumëKurti ironizon me ushtrimet e ushtrisë serbe: Paraqesin ndotje të ajrit e tokës
Kurti përmendi Thaçin në 11 vjetorin e marrëveshjeve në Bruksel, reagon Çitaku: E di që po të mungon, duro dhe pak - dielli do të lind përsëri
SHBA-ja synon ta "fortifikojë" Ballkanin Perëndimor
Osmani: Do ta njoftojë qeverinë për sulmin në Banjskë, pastaj do të vendoset për Ballkanin e Hapur
Maqedonci ngre alarmin: Tensionet vazhdojnë, Serbia të mërkurën do të testojë dronë kamikazë në kufi me Kosovën
Marrëveshja mes Kosovës e Serbisë, Kurti: Në këtë 11-vjetor shteti serb në Peshter të Sanxhakut do të lansojë ushtrime me dronë luftarakë kamikazë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi