Ky është momenti kur një shofer i një veture Mercedes humbi kontrollin në një shi të rrëmbyeshëm dhe kaloi nëpër tre korsi të një autostrade, përpara se të përplasej në një barrierë.

Sipas medieve të huaja, përcjell Telegrafi, pamjet tregojnë “kapakun e motorit” të Mercedes-it duke fluturuar në një autostradë të Anglisë.

Bëhet editur se aksidenti ndodhi në drejtim të M5, afër kryqëzimit 3 në Halesowen, Dudley, West Midlands, më 3 maj në 4.53 pasdite.

Ndërsa klipi fillon, është menjëherë e dukshme që kushtet e rrugës janë të këqija me reshje shiu në xhamin e BMW të Paul Stanford ndërsa ai vozit me një shpejtësi prej rreth 90 kilometra në orë.

Por pavarësisht nga rreziku që paraqet moti i keq, një numër makinash mund të shihen duke parakaluar.

Dhe vetëm pak çaste më vonë, një makinë e bardhë Mercedes, që udhëtonte në korsinë e tretë, humbet kontrollin dhe drejtohet përpara automjetit të z. Stanford, para se të përplaset me pengesën e fortë.

Fatmirësisht, z. Stanford ishte në gjendje të ndalonte BMW M3 e tij, duke shmangur një përplasje me vetë Mercedesin, dhe pjesët e makinës dhe mbeturinat e tjera të hedhura në autostradë gjatë përplasjes.

Është pohuar se gruaja pas timonit ishte në telefonin e saj në kohën e aksidentit dhe se ajo ishte në mes të bisedës me telefonin akoma në vesh edhe pas përplasjes.

Z. Stanford shpërndau pamjet në internet dhe shkroi: ‘Këtu është një arsye e mirë për të mos qenë në telefonin tuaj, sidomos kur vozisni në shi’. /Telegrafi/