Shkuan për të marrë vaksina e pritën disa orë, qytetarët kritikojnë ashpër mos-organizimin në sallën “1 Tetori” në Prishtinë
Kritika të ashpra për organizimin e vaksinimit, patën qytetarët të cilët me orë të tëra po presin për të marrë dozat e para të vaksinave antiCOVID.
Edhe pse, Ministria e Shëndetësisë thotë se radhën për tu vaksinuar e kanë personat e moshës 65-vjeçare, shumica nga të moshuarit të cilët folën për Telegrafin ishin mbi 70 vjeç.
Bejtullah Berisha, 72-vjeçar nga Prishtina kritikoi ashpër mos-organizimin në Qendrën Kryesore të Vaksinimit, në Palestrën Sportive “1 Tetori” në Prishtinë.
“A i ke pa delet najhere, që i lëshojnë a që ju qesin taxhi, sikur delet. Pa kurrfarë organizimi, Neve na thonë mos u tuboni ka 5 e 6 vet, e knej janë kanë 2 mijë veta. Epidemia po ekziston, për qata jena ardh, me u vaksinu”, tha ai.
Drita Ademi, 69 vjeçare nga Prishtina, që nga ora 7:00 e mëngjesit ka pritur para Palestrës Sportive “1 Tetori”, për të marrë vaksinën anti-COVID.
Ajo tha se ka pasur tollovi të madhe që nga mëngjesi, ndërsa tha se është dashur të ketë më shumë organizim, në mënyrë që të mos presin kaq gjatë.
“U dashtë një organizim, e një rend me pas, por njerëzit, tu mos pas durim më prit. Unë e kam numrin mbi 300, e tash edhe nja 2 orë duhet me prit këtu” , u shpreh Ademi për Telegrafin.
Ndërkaq, 80-vjeçari nga Hajvalia, Bajram Gashi tha se së bashku me bashkëshorten janë duke pritur për të marrë vaksinën.
Ai u shpreh se ka parë që edhe mjekët kanë hezituar ta marrin vaksinën, prandaj deri më tani nuk kanë dashur të vaksinohen.
“Prej orës 9:30 jam tu prit. 766 edhe 777 i kemi numrat, nuk e di a mundemi me hy në rend a jo. Ne jemi të moshuar, sa më shpejt me hy e me i marr e jo me prit në rend”, tha Gashi.
Azem Geci, 68-vjeçar ka thënë se organizimi është në nivel shumë të ulët.
“Ma së pari njerëzit, unë kur jam ardh me marr numrin, janë rrëzuar dy a tre persona të moshuar. Organizimi nuk është në nivel. I kanë nxit me ardh të gjithë për njëherë. Kjo nuk bën, nuk është në rregull”, tha ai.
Ai tha se shumica e tyre kanë probleme shëndetësore, prandaj edhe shpërndarja e numrave për të pritur nuk është në rregull.
“Kjo nuk bën, na e kemi një moshë, nëpër shkallë, na e kemi problem. Deri pak parës nuk kanë pasur as megafon, ne edhe nuk dëgjojmë mirë, gjithçka shkon me moshën”, tha Geci për Telegrafin, i cili nga ora 8:30 po pret për tu vaksinuar.
Rexhep Voca, 80-vjeçar tha se kanë pritur që nga ora 8:00 për tu vaksinuar bashkëshortja e tij, pasi ai vet ishte vaksinuar një herë, ndërsa është caktuar që me 26 qershor do ta marrë dozën e dytë të vaksinës.
“Veç organizimi është në pyetje, nëse i kishin caktuar numrat si tash, nuk kish pas nevojë me u bo tollovi”, tha Voca. /Telegrafi/
Lufta Prigozhin - Putin
Më shumëNga Rubrika
Kryetari i Istogut deklaron mbi 3 mijë euro kursime në bankë, e bashkëshortja e tij vetëm 30
Çmimet e banesave në Manastir shkojnë në nivele rekord, 1600 euro për metër katror
“Daily Mail” shkruan për kosovarin me nënshtetësi angleze që po mbahet në një burg ferri në Serbi
Bie nataliteti në Kosovë, ASK dhe MPB me statistika të ndryshme për lindjet
LVV në Prishtinë akuzon Përparim Ramën, thonë se po planifikon të keqpërdorë një tender në vlerë prej 10 milionë euro
Shqiptohen 10 gjoba për dhënien e "Ozempic" pa recetë të mjekut - Spitali i Gjilanit raporton për tre raste me efekte të dyshimta nga përdorimi i tij
Një veturë mbi 5 mijë euro dhe disa para të kursyera, çfarë pasurie ka Drejtori i Përgjithshëm i Policisë, Gazmend Hoxha?
Viti, vidhet një kasafortë me para
Italiania e dashuruar me Sarandën: Sa erdha thashë do të jetoj këtu, tani kam biznes
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur