Ekonomi Marketing

Shkolla Verore në Horizon School po afron, regjistro tani fëmijën tënd!

Në verë fëmijët kanë nevojë për më shumë se vetëm pushim. Ata kanë nevojë për liri, për përjetime të reja, për mundësi që t’i zhvillojnë aftësitë e tyre dhe për një mjedis që i mbështet në mënyrë të natyrshme dhe frymëzuese.

Kjo është pikërisht ajo që ofron Shkolla Verore e Horizon School, një përvojë që nuk është vetëm argëtim, por edhe një formë e zgjuar e edukimit.

Programi zhvillohet nga data 30 qershor deri më 11 korrik dhe është i dedikuar për fëmijët e moshës 6 deri në 10 vjeç. Në këtë periudhë dyjavore fëmijët angazhohen çdo ditë në aktivitete të menduara me kujdes, që kombinojnë lojën, kreativitetin, dijen dhe bashkëpunimin.

Shkolla Verore e Horizon School organizohet në një ambient të sigurt dhe të ngrohtë, ku çdo fëmijë ndihet i mirëpritur dhe i motivuar të eksplorojë botën që e rrethon.

Si shkollë e akredituar ndërkombëtarisht nga Cambridge International Education, Horizon School ka standarde të larta të cilat i reflekton edhe në programin veror.

Çfarë i pret fëmijët këtë verë?

Gjatë programit tonë veror, fëmijët do të kenë mundësi të përfshihen në një gamë të gjerë aktivitetesh edukative, krijuese dhe sportive, të dizajnuara për të zhvilluar aftësitë e tyre dhe për të krijuar përvoja të paharrueshme:

🐎 Kalërim: përjetimi i lidhjes me natyrën dhe kafshët në mënyrë të sigurt dhe të strukturuar;

🎾 Tenis: zhvillimi i koordinimit, refleksit dhe ndjenjës sportive;

🏹 Shigjetari: fokus, përqendrim dhe kontroll i lëvizjes;

🛶 Kajak: aventurë dhe argëtim në ujë, me masa të plota sigurie;

🧗 Ngjitje (Climbing): ndërtimi i vetëbesimit dhe forcës fizike përmes sfidave në natyrë;

🏊 Not: mësim bazik dhe përmirësim teknik në bashkëpunim me profesionistë;

🏺 Poçari: krijimtari dhe punë me dorë përmes artit tradicional me dhe;

🎨 Pikturë: shprehje artistike dhe zhvillim i imagjinatës;

💦 Water Games: lojëra uji për freski, argëtim dhe bashkëpunim;

🧪 Eksperimente shkencore: zbulim i botës përmes shkencës në mënyrë praktike dhe tërheqëse;

⚙️ STEAM aktivitete: integrim i shkencës, teknologjisë, inxhinierisë, artit dhe matematikës në projekte praktike;

💻 Kodim & Programim: hapat e parë në teknologji dhe mendim logjik përmes lojërave educative;

Por mbi të gjitha, çdo aktivitet është menduar që fëmijët të ndihen të lirë të jenë vetvetja, të provojnë, të gabojnë, të mësojnë dhe të rriten në mënyrë të natyrshme dhe pa presion.

Afati i regjistrimit është më 27 qershor dhe vendet janë të kufizuara

Kjo është thirrja e fundit për të gjithë prindërit që duan më shumë për fëmijët e tyre gjatë pushimeve verore. Shkolla Verore e Horizon School nuk është thjesht një program kalimtar, është një përvojë e qëndrueshme që i jep fëmijës tuaj më shumë vetëbesim, më shumë aftësi sociale dhe një fillim të fuqishëm për vitin e ri shkollor.

Në një kohë kur gjithçka zhvillohet me shpejtësi, dhuroni fëmijës tuaj diçka që mbetet, kujtime të bukura, përvojë të pasur dhe një verë që i mëson e argëton dhe i rrit.