Shkencëtarët thonë se kanë gjetur një kimikat që mund të ndalojë sëmundjet si sëmundja e Alzheimerit të bëjnë kërdi në trurin tonë.

Një studim i botuar në European Journal of Medicinal Chemistry pretendon se ka sintetizuar një përbërës të ri kimik që ndalon degjenerimin e neuroneve të lidhura me Alzheimer, Parkinson dhe sëmundje të tjera të trurit.

Studiuesit thonë se molekulat janë në gjendje të bllokojnë ndërtimin e amiloideve të tepërta, të cilat janë një nga shkaqet kryesore të rënies njohëse ndërsa plakemi.

“Komponimet tona aktivizojnë sintezën e proteinave specifike të goditjes nga nxehtësia dhe shkaktojnë akumulimin e tyre në qelizë”, shpjegoi autorja e studimit Irina Utepova. “Proteinat e këtij lloji bëjnë të mundur mbrojtjen e indeve neuronale nga një tepricë e amiloideve toksike dhe mbrojtjen e qelizave nga llojet e ndryshme të stresit, përfshirë stresin proteotoksik”.

Rezultatet e tyre ishin premtuese në modelet qelizore të rasteve të Alzheimerit dhe dëmtimeve traumatike të trurit. Njoftimi për shtyp për studimin vuri në dukje se deri në vitin 2050, parashikohet se do të ketë 115 milionë njerëz të diagnostikuar me Alzheimer në të gjithë globin. Ky zbulim i ri mund të jetë hapi i parë për ta bërë atë një numër shumë më të vogël.

Sigurisht, shumë më tepër kërkime duhen bërë në mënyrë që të zbulohet nëse kjo mund të zbatohet në trurin aktual të njeriut. Megjithatë, është një pikëpamje tepër shpresëdhënëse për parandalimin e çrregullimeve serioze njohëse ndërsa plakemi. /Telegrafi/