Shikuesit vunë re një gabim në sezonin e ri të serialit “Squid Game”: Kameramani mund të shihej në skenën e një episodi

Publikimi i sezonit të dytë të serialit të Netflix “Squid Game” shkaktoi një sërë reagimesh në rrjetet sociale dhe në njërën prej skenave, shikuesit dalluan një aktor të papritur.

Edhe pse atmosfera në episod ishte energjike, në njërën prej xhirimeve, teleshikuesit kanë pikasur një kameraman që gabimisht ka mbetur pjesë e këtij episodi. Sipas supozimeve, gabimi është shkaktuar nga kompleksiteti i regjistrimit dhe prodhimi kërkues.

Gjegjësisht, kameramani shfaqet në pjesën e episodit teksa xhirimet po vazhdojnë, kështu që shumë përdorues të rrjeteve sociale bënë shaka me të.

View this post on Instagram

A post shared by Inside History (@insidehistory)

Disa nga komentet e videos ishin: “Keramani nuk vdes kurrë”, “A është mirë?”, “Tani të gjithë ata që nuk e kanë parë serialin do të duan ta shikojnë, derisa të arrijnë në pjesën ku shohin kameramanin. Çfarë plani i zgjuar”, “Operatori meriton një rritje të pagave”.

Kujtojmë që pas publikimit të sezonit të dytë të serialit “Squid Game”, Netflix bëri të ditur se ky sezon ishte shumë më i suksesshëm sa i përket produksionit të tij.

Përkatësisht, në vetëm 11 ditë, sezoni i dytë i serialit është shikuar 126.2 milionë herë. Shtatë episode të reja filluan të shfaqen në Netflix më 26 dhjetor, dhe sezoni i dytë do të pasohet nga kësti i radhës tashmë në verën e këtij viti. /Telegrafi/