Shifra e jashtëzakonshme që Netflix ka paguar Meghan Markle për dokumentarin e saj

Meghan Markle ka publikuar më në fund dokumentarin e saj në Netflix, ku në disa pjesë shfaqet edhe Princi Harry.

Ky projekt është pjesë e një marrëveshjeje shumë të majme që çifti ka me gjigantin e transmetimit, e cila u nënshkrua disa vite më parë.

Sipas medieve ndërkombëtare, Meghan dhe Harry kanë përfituar shuma të jashtëzakonshme nga kjo marrëveshje, e cila u finalizua në vitin 2020 dhe pritet të skadojë këtë vit.

Megjithatë, nuk dihet ende nëse Netflix do ta rinovojë kontratën, por një ofertë financiare joshëse mund të ndikojë në vendimin e tyre.

Deri më tani, çifti ka realizuar disa projekte me Netflix, por dokumentari “Harry & Meghan”, i publikuar në vitin 2022, u prit me reagime të përziera.

Pavarësisht kësaj, interesimi për përmbajtjet e tyre mbetet i lartë, duke sjellë vëmendje të madhe për çdo publikim të ri.

Marrëveshja e tyre me Netflix është vlerësuar në rreth 100 milionë dollarë (92 milionë euro), dhe deri tani ata kanë publikuar katër seri.

Projektet e tyre janë vlerësuar për qasjen unike dhe përmbajtjen autentike, duke tërhequr një audiencë të gjerë.

Edhe pse nuk ka ende konfirmim nëse Netflix do të vazhdojë bashkëpunimin me ta, raportimet sugjerojnë se Meghan dhe Harry mund të kërkojnë një marrëveshje edhe më të madhe në të ardhmen, pasi vlera e tyre si personazhe publike vazhdon të mbetet e lartë. /Telegrafi/