Sport Futboll Ndërkombëtare

Shfaqet një favorit i ri befasues për të blerë Liverpoolin – janë shumë më të pasur se pronarët e Man Cityt

Para 2 vitesh

Një grup i ri është shfaqur si favorit për të blerë Liverpoolin dhe ata janë gjashtë herë më të pasur se pronarët e Manchester Cityt.

Të hënën, mediumi Athletic raportoi se pronarët e Reds, Fenway Sports Group (FSG) e kishin nxjerrë klubin në shitje dhe se ishte bërë një prezantim i plotë për blerësit e mundshëm.

Si përgjigje, FSG lëshoi një deklaratë duke pretenduar se “mbetet plotësisht e përkushtuar ndaj suksesit të Liverpool, si brenda dhe jashtë fushës”.

“Ka pasur një sërë ndryshimesh të kohëve të fundit të pronësisë dhe thashetheme për ndryshime në pronësi në klubet EPL dhe në mënyrë të pashmangshme ne pyetemi rregullisht për pronësinë e Fenway Sports Group në Liverpool”.

“FSG ka marrë shpesh shprehje interesi nga palë të treta që kërkojnë të bëhen aksionerë në Liverpool. FSG ka thënë më parë se në mundësitë dhe kushtet e duhura ne do të konsideronim aksionarë të rinj nëse do të ishte në interesin më të mirë të Liverpooltit si klub”.

“FSG mbetet plotësisht e përkushtuar ndaj suksesit të Liverpoolit, si brenda dhe jashtë fushës”, thuhej në deklaratën e lëshuar nga FSG.

Deri më tani emrat e tingëlluar si pronarë të mundshëm të ardhshëm janë RedBird, një kompani investimesh që tashmë zotëron 10 për qind të aksioneve në Liverpool ose një mbështetës i pasur me naftë në Lindjen e Mesme. Megjithatë, një individ i ri është shpallur si një blerës i mundshëm.

🚨 NEW: Bain Capital co-chairman Stephen Pagliuca is a serious contender to buy Liverpool FC, due to his already close relationship with FSG. #lfc [the athletic]

— Anfield Watch (@AnfieldWatch) November 9, 2022

Një favorit i ri për blerjen e Liverpoolit

Mediumi Daily Star ka pohuar se Stephen Pagliuca dhe firma e tij e investimeve Bain Capital janë favoritët e rinj për të blerë Reds.

Së bashku ata kanë një vlerë neto të raportuar prej 119 miliardë funtesh. Për kontekstin, pronari i Manchester Cityt, Sheikh Mansour, ka pasuri në vlen rreth 17 miliardë funte.

Natyrisht, pronarët e PIF të Newcastle i mposhtin të gjithë në garën e pasurisë, me një vlerë neto të raportuar prej 320 miliardë funtesh.

Sidoqoftë, Pagliuca do t’i jepte Liverpoolit një pasuri serioze, ndërsa madhësia e klubit do të nënkuptonte se ata do të kishin më shumë hapësirë për sa i përket rregulloreve të FFP-së sesa rivalët e tyre.

Sipas Daily Star, FSG janë më të hapur për të shitur aksionet e tyre te Pagliuca, duke qenë se pronari aktual John W Henry e njeh mirë investitorin e kapitalit privat.

Pagliuca është bashkë-kryetar i Bain ndërsa ai është gjithashtu bashkëpronar i skuadrës nga NBA, Boston Celtics dhe ka 55 për qind të aksioneve të klubit nga Serie A, Atalanta. /Telegrafi/