SHBA vendos sanksione të reja ndaj vajzave të Putinit dhe bankave kryesore ruse

Shtetet e Bashkuara kanë vendosur sot sanksione ndaj vajzave të presidentit rus, Vladimir Putinit dhe Sberbank të Rusisë, si pjesë e një pakete të re masash të shpallur sot.

Masat synojnë bankat dhe elitat ruse dhe përfshijnë ndalimin e çdo amerikani që të investojë në Rusi, raporton skynews.

Sanksionet e reja do të vendosin sanksione të plota bllokuese në Sberbank të Rusisë, e cila mban një të tretën e totalit të aktiveve bankare të Rusisë dhe Alfabank. Transaksionet e energjisë janë të bllokuara nga këto sanksione, tha zyrtari.

I made clear that Russia would pay a severe and immediate price for its atrocities in Bucha. Today, along with our Allies and partners, we’re announcing a new round of devastating sanctions. https://t.co/LVqTDIOSvz

— President Biden (@POTUS) April 6, 2022

Shtetet e Bashkuara po sanksionojnë gjithashtu vajzat e rritura të presidentit rus, gruan dhe vajzën e ministrit të Jashtëm rus, Sergey Lavrov dhe anëtarët e këshillit të sigurisë së Rusisë.

Amerikanëve u ndalohet të investojnë në Rusi, tha zyrtari, duke përfshirë kapitalin sipërmarrës.

Lexo po ashtu Gjithçka rreth agresionit rus në Ukrainë

Shtetet e Bashkuara po “përshkallëzojnë në mënyrë dramatike” goditjen financiare në Rusi duke ndërprerë bankat më të mëdha të atij vendi, tha zyrtari.

Rusët mund të detyrohen të kthehen në standardet e jetesës të stilit sovjetik që nga vitet 1980. /Telegrafi/