SHBA po dërgon rreth 200 trupa në Izrael për të monitoruar armëpushimin në Gaza si pjesë e një ekipi shumëkombësh, sipas zyrtarëve amerikanë.
Ata do të punojnë së bashku me forcat nga Egjipti, Katari, Turqia dhe Emiratet e Bashkuara Arabe, por nuk do të hyjnë në Gaza.
Duke folur në kushte anonimiteti, zyrtarët amerikanë thanë se një "qendër koordinimi civil-ushtarak" do të ngrihet në Izrael për të mbështetur shpërndarjen e ndihmës humanitare në Gaza, si dhe operacionet logjistike dhe të sigurisë.
Komentet e tyre ofrojnë disa nga njohuritë e para se si do të mbikëqyret marrëveshja e armëpushimit dhe konfirmojnë se ushtria amerikane do të luajë një rol.
Trupat amerikane do të punojnë në koordinim me ushtrinë izraelite, tha një nga zyrtarët.
Një zyrtar tjetër shtoi se vendosja e saktë e forcave amerikane është ende duke u përcaktuar dhe do të trajtohet sot.
Ndryshe, gjatë një takimi të kabinetit në Shtëpinë e Bardhë dje, Donald Trump vlerësoi Admiralin Brad Cooper, kreun e Komandës Qendrore të SHBA-së, për rolin e tij në negociata.
"Cooper - kam dëgjuar se ka qenë fantastik", tha Trump. /Telegrafi/
