Shtetet e Bashkuara të Amerikës kanë miratuar shitjet e armëve në Tajvan me vlerë rreth 1.8 miliard dollarë, në një lëvizje që ka të ngjarë të rrisë tensionet me Kinën.

Sipas mediave të huaja, përcjell Telegrafi, Pentagoni tha se marrëveshja përbëhej nga tre sisteme armësh, duke përfshirë raketahedhës, sensorë dhe artileri.

Tajvani, i cili e konsideron veten një shtet, shihet si një provincë nga Kina.

Tensionet janë rritur në vitet e fundit dhe Pekini nuk ka përjashtuar përdorimin e forcës për të marrë ishullin përsëri.

Javën e kaluar, këshilltari i sigurimit kombëtar të SHBA-së, Robert O’Brien tha se ndërsa ai nuk besonte se Kina ishte gati të pushtonte Tajvanin, ishulli kishte nevojë të “fortifikonte veten” për të ardhmen.

Ministria e mbrojtjes e Tajvanit tha se armët do ta ndihmonin atë “të ndërtonte aftësi të besueshme luftarake”.

Ishulli gjithashtu ka kërkuar mbështetje nga administrata aktuale, e cila, ndryshe nga paraardhësit e saj, duket e gatshme të sfidojë ekuilibrin delikat që Uashingtoni ka mbajtur për dekada me Kinën dhe Tajvanin, thotë korrespondenti i BBC. /Telegrafi/