LAJMI I FUNDIT:

SHBA-ja merr masa për të shmangur pasojat financiare pas falimentimit të Silicon Valley Bank

SHBA-ja merr masa për të shmangur pasojat financiare pas falimentimit të Silicon Valley Bank

Autoritetet e Shteteve të Bashkuara po marrin masa urgjente për të forcuar besimin në sistemin bankar dhe për të shmangur një krizë më të gjerë financiare, pas falimentimit të Silicon Valley Bank.

Falimentimi i papritur Silicon Valley solli reagimin e menjëhershëm të autoriteteve amerikane, në kuadër të përpjekjeve për të shmangur përhapjen e pasojave të dështimit më të madh bankar që nga viti 2008.

Përmes masave për të ruajtur besimin në sistemin bankar, administrata e presidentit Joe Biden veproi për të mbrojtur depozitat në bankën që falimentoi.

Rregullatorët thanë se klientët do të kenë qasje të plotë në depozitat e tyre duke filluar nga e hëna – ku përfshihen miliarda dollarë të pasiguruara – dhe se do të krijojnë një strukturë të re për t’u dhënë bankave qasje në fondet e urgjencës.

Banka Silicon Valley ishte huadhënësi kryesor i kompanive të reja, kryesisht në sektorin e teknologjisë, gjatë dekadave të fundit të karakterizuara nga interesa rekord të ulta, por duke e ekspozuar bankën ndaj disa rreziqeve unike.

Silicon Valley Bank: Pse kolapsoi dhe a është ky fillimi i një krize bankare?
Lexo po ashtu Silicon Valley Bank: Pse kolapsoi dhe a është ky fillimi i një krize bankare?

“Banka supozohet të jetë një nga institucionet më të sigurta. Ky nuk është bixhoz. Ne nuk i kemi investuar paratë e kompanisë në kriptovaluta. Ne i depozituam ato në një bankë me emër të mirë, me të cilën punojnë shumica e kompanive të reja teknologjike”, thotë Stefan Kalb, shefi ekzekutiv i kompanisë teknologjike Shelf Engine.

Falimentimi i bankës të premten e javës së kaluar, shkaktoi panik dhe pasiguri në fundjavë, mes pikëpyetjesh nëse bizneset e vogla do të ishin në gjendje të paguanin punonjësit e tyre, ndërsa Korporata Federale e Sigurimit të Depozitave garanton vetëm depozitat deri në 250 mijë dollarë.

“Nuk mund t’i paguajmë klientët tanë. Çfarë ndodh kur dhjetëra mijëra kompani nuk mund të paguajnë klientët e tyre, sepse nuk kanë para në bankë? Ne po përballemi me diçka shumë më të madhe sesa dështimi e kompanisë time, kjo është një goditje e rëndë ekonomike”, shton ai.

Biden thotë se sistemi bankar amerikan është i sigurt pas kolapsimit të bankës së Silicon Valley
Lexo po ashtu Biden thotë se sistemi bankar amerikan është i sigurt pas kolapsimit të bankës së Silicon Valley

Të dielën, rregullatorët mbyllën një tjetër bankë – atë Signature në New York.

Profesori në Universitetin Amerikan, Gerard Cimizio, tha se të dyja rastet do të kenë pasoja politike.

“Ideja se ka dy dështime bankare, duke përfshirë një që është dështimi i dytë më i madh në historinë bankare, do të ketë disa pasoja dhe unë pres që të ketë seanca dëgjimore në Kongres”, tha Cimizio.

Banka Qendrore e SHBA-së, që njihet si Rezervat Federale dhe Korporata Federale e Sigurimit të Depozitave, thanë në një deklaratë se klientët e këtyre bankave nuk do të humbasin asnjë sasi nga depozitat në këto dy banka, pa dëmtuar taksapaguesit. /VoA/

Në trend Ekonomi

Më shumë
Rriten këmbimet tregtare me Shqipërinë, Llugaliu tregon se a ka kontrabandë nga Serbia

Rriten këmbimet tregtare me Shqipërinë, Llugaliu tregon se a ka kontrabandë nga Serbia

Ekonomi
Qumështorja Vita - Dashuria dhe puna e palodhshme e më shumë se 1500 fermerëve!

Qumështorja Vita - Dashuria dhe puna e palodhshme e më shumë se 1500 fermerëve!

Qumështorja Vita
Creative Hub prezenton metodën 4 orë punë të premteve

Creative Hub prezenton metodën 4 orë punë të premteve

Creative Hub Kosovo
Siguria në udhëtim, PrishtinaTicket është anëtare e Swiss Travel Security

Siguria në udhëtim, PrishtinaTicket është anëtare e Swiss Travel Security

Prishtina Ticket
Njoftim për shqiptarët e Gjermanisë dhe Zvicrës të cilët duan të udhëtojnë drejt Kosovës

Njoftim për shqiptarët e Gjermanisë dhe Zvicrës të cilët duan të udhëtojnë drejt Kosovës

AlbaSky
Dukagjini Resort – Ky është projekti përrallor 80 milionësh që do ta transformojë këtë pjesë të Shëngjinit

Dukagjini Resort – Ky është projekti përrallor 80 milionësh që do ta transformojë këtë pjesë të Shëngjinit

Ekonomi
Kalo në kategori