Sergi Roberto drejt transferimit befasues në Serie A

Sergi Roberto është larguar nga Barcelona pas 11 viteve qëndrim në klubin katalunas.

Mbrojtësi i djathtë ka mbetur lojtar i lirë dhe pas më shumë se 300 ndeshjeve me fanellën e Barcelonës synon të gjej një kontratë tjetër.

32-vjeçari ende nuk ka vendosur për të ardhmen e tij e cila mund të jetë në elitën e futbollit italian Serie A.

Dy skuadrat italiane, Roma dhe Como kanë shprehur interesim për afrimin e spanjollit për të cilin nuk do të kenë nevojë të paguajnë para për kartonin e tij.

Roma, e cila ka qenë aktive në tregun e transferimeve me ditët e fundit të Artem Dovbyk dhe Matías Soule, ka identifikuar Sergi Roberto si një mundësi për të forcuar skuadrën e saj. Shkathtësia e lojtarit, i aftë për të luajtur si mesfushor qendror dhe mbrojtës i djathtë, e bën atë një pjesë të vlefshme për çdo ekip.

Lexo po ashtu Ylli i Barcelonës po konsideron kalimin në Ligën Premier pas skadimit të kontratës

Como, nga ana e tjetër, i ka vënë sytë edhe veteranit spanjoll. Pavarësisht se nuk ka të njëjtën fuqi financiare si Roma, klubi po kërkon të bëjë një nënshkrim strategjik që mund të sjellë përvojë dhe cilësi në skuadrën e tij, e cila ka lëvizur në një mënyrë interesante këtë verë me nënshkrimet e Raphael Varane, Andrea Belotti, Pepe Reina. dhe Alberto Moreno.

Calciomercato ka raportuar se kjo javë mund të jetë vendimtare për të ardhmen e Robertos, pasi agjentët e tij janë në Itali dhe kanë pasur tanimë biseda me drejtuesit e dy skuadrave italiane. /Telegrafi/