Siguria në tërë Kosovën, e në veçanti në pjesën veriore, po cilësohet e ndjeshme pas incidenteve të njëpasnjëshme që u shënuan në dy muajt e fundit.
Njohës të rrethanave të sigurisë në vend theksojnë se institucionet e Kosovës po përballen me sfida për garantimin e sigurisë sidomos në veri të Mitrovicës, megjithëse po mundohen që gjendjen ta kenë nën kontroll.
Eksperti i çështjeve të sigurisë, Avni Islami ka deklaruar se veriu i Kosovës është bombë e kurdisur nga ana e Qeverisë së Serbisë.
“Kemi theksuar vazhdimisht se edhe në të kaluarën por edhe sot, veriu i Kosovës apo më konkretisht Mitrovica e Veriut është bombë e kurdisur nga ana e Qeverisë së Serbisë së bashku me grupet e organizuara në veri të Mitrovicës. Sa herë që u nevojitet atyre, qoftë për qëllime të brendshme apo edhe në rrafshin ndërkombëtar, e destabilizojnë veriun e Mitrovicës”, thotë Islami për AktivPress.
Ai më tej shton se zhvillime të tilla po i vendosin në pozitë jo të favorshme institucionet e sigurisë të Republikës së Kosovës.
Ndërkaq për Burim Ramadanin, njohës të këtyre rrethanave, gjendja e sigurisë në veri të vendit është nën kontroll të institucioneve, ndonëse edhe ai, vlerëson se në përgjithësi situata në tërë Kosovën është e ndjeshme.
Ramadani konsideron se incidentet në veri të Kosovës po bëhen për motive politike nga ana serbe.
“Siguria në tërë Kosovën dhe në veri në veçanti vazhdon të jetë e ndjeshme, por nën kontroll të institucioneve. Nuk shoh indikacione serioze të çrregullimeve të sigurisë. Institucionet e sigurisë vazhdimisht duhet të kenë kujdesin e shtuar, megjithëse rastet e izoluara sikur këto në veri nuk paraqesin sfidë për sigurinë. Pra, nuk shoh sfidim të sigurisë në Kosovë, por raste të izoluara që kanë mesazhe politike”, deklaroi ai.
Veriu i Kosovës ka qenë pre e disa sulmeve që ndodhën veçanërisht ndaj pjesëtarëve të Policisë së Kosovës, të FSK-së dhe agjentëve të AKI-së.
Dy muaj më parë, në Zubin Potok ishte sulmuar një patrollë e Policisë së Kosovës, ndërkaq në nëntor të këtij viti shtëpitë e pjesëtarëve të komunitetit serb të FSK-u sulmuan me mjete shpërthyese.
Duke mos mjaftuar këto zhvillime, në veri të vendit, dy ditë më parë u sulmua me mjete të forta një lokal në të cilin po qëndronte ish-ministrja për Dialog, Edita Tahiri.
Ndërkohë, sipas Avni Islamit, veriu i Mitrovicës po shfrytëzohet për qëllime të brendshme politike të “grupeve të organizuara kriminale me direktiva të Serbisë” dhe po ndikon në destabilizim të gjendjes në tërë Kosovën.
“Kjo është një alarm jo i mirë për institucionet e Kosovës, sepse me gjithë përkushtimin dhe punën që është duke e bërë në veri të Kosovës ende mbetet shumë punë për tu bërë që autoritetet e sigurisë së Kosovës, ta shtrojnë sovranitetin dhe ta kenë në kontroll atë pjesë”, vlerëson ai.
Ndërkaq, sipas Burim Ramadanit rëndësi për sigurinë në veri ka edhe prezenca e KFOR-it.
“Në komunat në veri të Kosovës, institucionet e sigurisë janë prezente dhe kryejnë detyrat e tyre. Sidoqoftë, prezenca e KFOR-it është po ashtu një garanci shtesë për stabilitetin dhe sigurinë e Kosovës”, theksoi njohësi i sigurisë.
AktivPress ka kontaktuar përmes postës elektronike edhe Policinë e Kosovës, lidhur me rastet specifike dhe për gjendjen e tërësishme të sigurisë në veri të vendit, por që PK-ja nuk ka dhënë asnjë përgjigje. /AktivPress/
Promo
Reklamo këtuLufta Prigozhin - Putin
Më shumëNga Rubrika
Iu bashkuan edhe 300 anëtarë, Kurti: Po kthehemi, Prizreni po e forcon lidhjen me Vetëvendosjen
Rama nga Athina i dërgon mesazh homlogut të tij grek: Eshtë koha e mirëqënies dhe lirisë, të jetojmë në harmoni
Komuna mbyll stacionet e autobusëve, qytetarët dhe ekspertët janë kundër
Mbushet stadiumi në Greqi me shqiptarë, Rama: Jeni bota
“Paguhen duke qëndruar në shtëpi” - Drejtoria e Arsimit në Graçanicë keqpërdor mbi një milion euro në vit për pagat e 250 punëtorëve
Quni: Sulmi terrorist i Banjskës mund të përsëritet
Gjendet i vdekur një person në Prishtinë
Bombardimi i konsullatës në Ukrainë, Qeveria shqiptare interesohet për provat
Komuna e Graçanicës me standarde të dyfishta, Gashi: Shqiptarët po përjashtohen nga lejet e ndërtimit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Gabimi në Ligën e Kampionëve i kushton, UEFA pritet t’i jap një dënim të ashpër gjyqtarit Marciniak
Zvicra fiton "Eurovision 2024"
Holanda përjashtohet nga finalja e "Eurovision 2024"
Bombardimi i konsullatës në Ukrainë, Qeveria shqiptare interesohet për provat
E refuzuan Abdixhiku e Haradinaj, deklarohet Kurti: Mendova se është më së miri të takohemi të gjithë së bashku
Gjermania po e jep falas këtë vilë gjigante, por ka një problem: Sapo përmendet ish-pronari, askush nuk e dëshiron