LAJMI I FUNDIT:

Scholz: Samiti i Procesit të Berlinit do të mbahet në Tiranë më 16 tetor

Scholz: Samiti i Procesit të Berlinit do të mbahet në Tiranë më 16 tetor

Më 16 tetor të këtij viti, në Tiranë do të mbahet Samiti i Procesit të Berlinit.

Lajmin e konfirmoi kancelari gjerman, Olaf Scholz gjatë konferencës së përbashkët për shtyp në Berlin me kryeministrin e Shqipërisë, Edi Rama.

“Përgatitjet për këtë tani kanë përparuar. Më 16 tetor, samiti do të zhvillohet. Samiti i Procesit të Berlinit, për herë të parë në historinë thuajse 10-vjeçare të procesit, do të zhvillohet në një kryeqytet të Ballkanit Perëndimor.

Procesi i Berlinit, ka treguar që prej vitit 2014, se çfarë potenciali ndodhet në bashkëpunimin gjithëpërfshirës të 6 shteteve të Ballkanit Perëndimor”, theksoi ai.

“Integrimi i shpejtë i të 6 vendeve të Ballkanit Perëndimor për qeverinë gjermane ka rëndësi strategjike”, u shpreh ndër të tjetër Scholz.

“Ballkani Perëndimor është pjesë e Europës dhe familjes europiane. Prandaj gëzohem që Rama ra dakord për të zhvilluar më 16 tetor Samitin e Procesit të Berlinit, për herë të parë prej 10 vitesh në një shtet të Ballkanit Perëndimor. Shqipëria priu me shembull të mirë dhe në janar ishte vendi i parë që i ratifikoi marrëveshjet e firmosura në nëntor”, shtoi Scholz.

Kancelari tha se integrimi i shpejtë i të gjashtë shteteve të rajonit në union ka rëndësi strategjike për qeverinë e tij. “Ne dëshirojmë t’i mirëpresim sa më shpejt të jetë e mundur si anëtarë. Thelbi i negociatave mbetet forcimi i sundimit të ligjit. Prandaj është mirë që anëtarë të bandave kriminale dhe zyrtarë të lartë janë paditur dhe dënuar”.

Scholz falënderoi vendin tonë edhe për rolin e saj në rreshtimin krah Perëndimit në reagimin pas nisjes së luftës së Rusisë në Ukrainë. “Agresioni rus tregon se demokracitë nuk mund të merren si të mirëqena. E falënderoj Shqipërinë për rolin e saj konstruktiv si anëtar jo i përhershëm i Këshillit të Sigurimit në OKB dhe NATO”, shtoi Scholz.

“Marrëdhëniet dypalëshe mes Shqipërisë dhe Gjermanisë janë të shkëlqyera. Jemi të gëzuar që në këto kohë të vështira e llogarisim Shqipërinë si aleat”. /Telegrafi/

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Lajme
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Lajme
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Propozimi i PDK-së për datën e zgjedhjeve, ristrukturimi në këtë parti dhe deklarata e Hamzës për Kurtin, Abdixhikun e Haradinajn

Propozimi i PDK-së për datën e zgjedhjeve, ristrukturimi në këtë parti dhe deklarata e Hamzës për Kurtin, Abdixhikun e Haradinajn

Lajme
Kalo në kategori