Sindikata e Bashkuar e Arsimit, Shkencës dhe Kulturës i është drejtuar kryeministrit të Kosovës, Albin Kurti me një letër, siç e quajnë ata “këshillë publike”, në lidhje me planifikimin e buxhetit për vitin 2020.
SBASHK-u përmes komunikatës për medie i ka kërkuar Qeverisë që në Ligjin për Buxhetin për vitin 2020, të planifikojnë mjetet edhe për Ligjin e Pagave.
Nëse kërkesa e tyre nuk plotësohet atëherë, SBASHK-u ka paralajmëruar se do të përsëritet situata e janarit të vitit të kaluar, ku të gjitha institucionet arsimore në vend kanë qenë në grevë.
“Nëse Ministria për Financa nuk bën planifikime buxhetore për Ligjin e Pagave dhe Qeveria përkrah një ide të tillë, atëherë në tërë sistemin arsimor do të përsëritej situata e janarit të vitit të kaluar, gjegjësisht bazuar në kërkesat e anëtarësisë do të ketë veprime sindikale dhe grevë në nivel vendi nga çerdhet, institucionet e Arsimit Parauniversitar dhe në të gjitha Universitetet publike”, thuhet në komunikatën e SBASHK-ut.
Në këtë letër po ashtu thuhet se nëse Ministria për Financa nuk bën planifikime buxhetore për Ligjin e pagave dhe Qeveria përkrah një ide të tillë atëherë greva do të nis duke filluar nga çerdhet e deri tek Universitetet publike.
“Mijëra anëtarë të SBASHK-ut besojnë fuqishëm se Kushtetuesja do të jep ndonjë vërejtje, por Ligji i pagave do të nis së zbatuari dhe pastaj Parlamenti do të bëj përmirësimet dhe nëse Ministria për Financa nuk bën planifikime buxhetore për Ligjin e pagave dhe Qeveria përkrah një ide të tillë, atëherë në tërë sistemin arsimor do të përsëritej situata e janarit të vitit të kaluar, gjegjësisht bazuar në kërkesat e anëtarësisë do të ketë veprime sindikale dhe grevë në nivel vendi nga çerdhet, institucionet e Arsimit Parauniversitar dhe në të gjitha Universitetet publike”, thuhet në letër.
SBASHK-u thotë se kanë kërkuar takim me kryeministrin Kurti në një kohë sa më të afërt, qoftë edhe në fundjavë, meqë ata do të mbajnë një takim të jashtëzakonshëm të hënën për të vendosur për hapat që do të ndërmerren tutje.
Komunikata e plotë:
Këshillë publike e SBASHK-ut drejtuar Kryeministrit Kurti dhe Qeverisë
Në Ligjin e Buxhetit për vitin 2020 planifikoni mjetet për Ligjin e pagave
Nëse Ministria për Financa nuk bën planifikime buxhetore për ligjin e pagave dhe Qeveria përkrah një ide të tillë, atëherë në tërë sistemin arsimor do të përsëritej situata e janarit të vitit të kaluar, gjegjësisht bazuar në kërkesat e anëtarësisë do të ketë veprime sindikale dhe grevë në nivel vendi nga çerdhet, institucionet e Arsimit Parauniversitar dhe në të gjitha Universitetet publike.
Ngatërrimet që ishin bërë pa qëllim mes Ligjit për zyrtarët publik dhe atij të Pagave te lajmi lidhur për zgjatjen e masës së pezullimit nga Kushtetuesja edhe për një muaj kishin krijuar tensione shtesë të gjithë anëtarësia e SBASHK-ut.
Tensionet janë shtuar edhe më tepër nga lajmi i shpërndarë , që urojmë të mos jetë i saktë, se Ministria e Financave duke përgatitur Projektligjin e buxhetit për vitin 2020 nuk do të planifikojë fare mjete për implementimin e Ligjit të pagave.
SBASHK-u i drejtohet me këshillën publike Kryeministrit Kurti dhe Qeverisë së Republikës së Kosovës që duke planifikuar Projektligjin për buxhetin e vitit 2020 të mos e harrojnë Ligjin e pagave, implementimin e të cilit më të drejtë e presin mijëra të punësuar në sektorin publik e mes tyre edhe ata në sektorin e arsimit.
Mijëra anëtarë të SBASHK-ut besojnë fuqishëm se Kushtetuesja do të jep ndonjë vërejtje, por Ligji i pagave do të nis së zbatuari dhe pastaj Parlamenti do të bëj përmirësimet dhe nëse Ministria për Financa nuk bën planifikime buxhetore për Ligjin e pagave dhe Qeveria përkrah një ide të tillë, atëherë në tërë sistemin arsimor do të përsëritej situata e janarit të vitit të kaluar, gjegjësisht bazuar në kërkesat e anëtarësisë do të ketë veprime sindikale dhe grevë në nivel vendi nga çerdhet, institucionet e Arsimit Parauniversitar dhe në të gjitha Universitetet publike.
SBASHK-u me qëllim që çështjet të sqarohen me dialog i ka dërguar kërkesë Kryeministrit Albin Kurti për takim në afatin më të afërt të mundshëm , qoftë edhe në ditët e vikendit, ndërsa të hënën do të mbaj takim të jashtëzakonshëm konsultativ lidhur me situatën me kryetarët e nivelit sindikal komuna dhe të Universiteteve për të marrë hapa dhe veprime konkrete bazuar karshi situatës. /Telegrafi/
Promo
Reklamo këtu
Nga Frigo Deluxe
Nga My Skin Project
Nga Pixels
Nga Foleja
Lufta Prigozhin - Putin
Më shumë
Brnabiq arsyeton arrestimin e zv.drejtorit Jankoviq, reagon Surroi: Ndërhyrje në identitetin e serbëve të Kosovës
Flet avokati i Pal Lekajt për vendimin e 53 milionëshit
Pa marrëveshje për dinarin, Bislimi: Ishta takimi i kotë, Serbia e painteresuar për marrëveshje
Milatoviq kërkon drejtësi për vrasjet e shqiptarëve në Mal të Zi më 1999 – propozon edhe ngritjen e një memoriali
Prokuroria thirrje qytetarëve: Nëse jeni viktimë që u janë shpërndarë foto apo video intime nga "Albkings", jepni dëshmitë në polici
Ngrihet aktakuzë ndaj 18 personave për korrupsion me subvencionet e Ministrisë së Bujqësisë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Notat e lojtarëve, Man City 1-1 Real Madrid: Lunin heroi i mbretërve
Komandanti suprem i NATO-s, Cavoli: Po i shtojmë forcat në Kosovë dhe Bosnje, po sjellim artileri të rëndë
Arrestohet një i dyshuar lidhur me rastin e ukrainases që u gjet e vdekur në autostradën Ferizaj-Prishtinë
Sir Alex Ferguson i ofroi lojtarit të Man United 100 mijë euro për t'u tërhequr nga futbolli
Hisen Berisha 'ngacmon' Adelina Ismailin në emision: "Ushtrinë time do ta bëj" ma ke kushtuar mua, sepse po e bëja ushtrinë në atë kohë
Mbretër për Ligën e Kampionëve, Real Madridi fiton ruletin e penalltive dhe eliminon kampionin