Sara dhe Bardhi kurorëzohen në xhami: Faleminderit që iu përshtate zakoneve të fesë Islame

Ish-banorët e Big Brother VIP Albania, Sara Gjordeni dhe Bardhi, kanë qenë në qendër të vëmendjes që nga dalja e tyre nga shtëpia më e famshme në Shqipëri.

Lidhja e tyre ka vazhduar edhe jashtë spektaklit, duke u kurorëzuar me lindjen e vajzës së tyre, Nea.

Sot, Bardhi ndau me ndjekësit e tij një lajm të veçantë: ai dhe Sara janë martuar sipas riteve islame në një ceremoni të mbajtur në xhami.

Në një postim emocional, ai zbuloi se kishte pritur me padurim që kurorëzimi të ndodhte pikërisht gjatë muajit të shenjtë të Ramazanit dhe në një ditë të premte.

“Me ndihmën e Zotit, më në fund mu realizua dëshira. Faleminderit @saragjordeni që pate durim një vit për këtë ditë të shenjtë për ne të dy dhe që iu përshtate zakoneve të fesë Islame. Vetëm dua të të them që shumë po të ka hije”, shkroi Bardhi.

Nga ana tjetër, edhe Sara reagoi duke sqaruar se nuk është konvertuar në fenë islame, por ka respektuar traditat fetare të partnerit të saj në këtë ditë të veçantë.

“Jo, nuk jam mbuluar as konvertuar! Thjesht sot u martova sipas zakoneve të tij me dashurinë e zemrës sime”, u shpreh ajo.

Ky hap i rëndësishëm në jetën e tyre ka emocionuar fansat, të cilët i kanë uruar çiftit lumturi dhe harmoni në martesën e tyre. /Telegrafi/