Sa shpejt mund të dihet emri i ri i kryeministrit të Britanisë së Madhe?

Është e vështirë të thuhet pasi procesi është i ndërlikuar. Ndërsa ka shumë të ngjarë të jetë në shtator ose tetor, disa nga kritikët e kryeministrit britanik, Boris Johnson duan që i gjithë procesi të zhvillohet më shpejt.

Kjo është teknikisht e mundur, por procesi ka të bëjë po aq me politikën sa edhe me logjistikën, raporton bbc.

Gara

Rregullat e sakta do të vendosen në ditët në vijim nga Komiteti i mbështetësve të partisë konservatore të vitit 1922.

Sapo të ndodhë kjo, kandidatët do të fillojnë të mbledhin nominime nga kolegët deputetë dhe të deklarojnë se po konkurrojnë.

Lexo po ashtu Kush mund ta zëvendësojë Boris Johnsonin - sondazhet e favorizojnë Sekretarin e Mbrojtjes, Ben Wallace

Pasi të njihet fusha, mbahen një sërë votimesh të deputetëve konservatorë, ku kandidati më i ulët i votimit eliminohet në çdo fazë derisa të mbeten vetëm dy.

Anëtarësia në tërësi – pra të gjithë anëtarët anembanë vendit, jo vetëm deputetët – vendos më pas se cili nga të dy do të bëhet lider, dhe kështu kryeministër.

Koha

Supozimi në Downing Street është se e gjithë kjo do të marrë deri në vjeshtë për të përfunduar.

Konsensusi është se fusha do të zvogëlohet në dy të fundit përpara se të fillojë pushimi veror i Parlamentit më 21 korrik. Kjo nis luftën për votat e anëtarëve.

Në çdo rast, do të ketë një debat nëse udhëheqësi i ri do të marrë detyrën deri në shtator, ose nëse Johnson do të qëndrojë deri në konferencën e partisë konservatore në muajin tetor. /Telegrafi/