Sa mund të fitojë Juventusi nga transferimi i Szczesnyt te Barcelona?

Wojciech Szczesny thuhet se ka rënë dakord të dalë nga pensioni për t’iu bashkuar Barcelonës dhe sipas raportimeve, Juventusi do të kursejë dy milionë euro pasi ish-portieri i tyre të nënshkruajë për katalunasit.

Disa burime në Spanjë raportuan të martën se Barcelona kishte vënë në shënjestër ish-portierin e Juventusit, Szczesny për të zëvendësuar të dëmtuarin Marc-Andre ter Stegen, i cili është përjashtuar për të paktën tetë muaj.

Szczesny njoftoi tërheqjen e tij në gusht pas ndërprerjes së kontratës me Juventusin, por sipas Relevo, Barcelona e ka bindur ish-polakun që të rishqyrtojë vendimin e tij.

Megjithatë, gazeta spanjolle shton se Barcelona tani duhet të negociojë me Juventusin pasi bardhezinjtë shtuan një klauzolë në marrëveshjen me Szczesnyn muajin e kaluar, duke thënë se ata duhet të marrin një tarifë nëse ai do të ghej një klub të ri.

Szczesny e ndërpreu kontratën me Juventusin në gusht, disa javë para se të shpallte pensionimin e tij, kështu që marrëveshja me Bianconerët është ende e vlefshme.

Megjithatë, sipas Calciomercato.com, klauzola i lejon Juventusit të kursejë dy milionë euro nga pagesa e shkëputjes prej 4 milionë eurosh të rënë dakord me portierin polakë muajin e kaluar.

Szczesny kishte një vit të mbetur në kontratën e tij prej 6 milionë eurosh me Bianconerët. /Telegrafi/