Dy emigrantë të paligjshëm shqiptarë që tentuan të vjedhin një shtëpi do të dëbohen nga Britania.
23-vjeçari Sebastiano Gjoni dhe 26-vjeçari Skelidano Koliqi u arrestuan pasi u kapën duke vjedhur një shtëpi luksoze në fshatin Alderley Edge në Janar të këtij viti.
Policia u lajmërua kur banorët e pronës e telefonuan kur dëgjuan zhurma që vinin nga poshtë shkallëve në orën 8 të mbrëmjes, shkruan “Daily Mail“. Ata bërtitën “hajdutët, hajdutët” dhe u mbyllën në dhomën e gjumit derisa policia mbërriti pas 13 minutash me një qen që ndoqi gjurmët nëpër dëborë dhe gjeti dy të rinjtë.
Ata nuk kishin marrë asnjë objekt nga shtëpia dhe as nuk i kishin shkaktuar ndonjë dëm.
Gjykata mësoi se Gjoni dhe Koliqi kishin shkuar klandestinë në Britani me shpresën për të punuar, por pas kapjes nga policia 23-vjeçari tha: “Sa mirë që na kapën. Këtu është shumë ftohtë. Nuk kemi ku të shkojmë”.
Dy të rinjtë kishin udhëtuar 300 milje nga vendi ku qëndronin në Harringay në Londrën veriore përpara se të futeshin në shtëpi dhe të gjenin pronarët e saj brenda.
Policia zbuloi se Gjoni kishte kryer edhe një vjedhje tjetër 5 ditë më parë në një pronë me vlerë 3 milionë Paund në Halebarns.
Prokurori i çështjes tha se ai ishte larguar nga Shqipëria në moshën 14-vjeçare dhe kishte udhëtuar i vetëm drejt Gjermanisë. Në moshën 17-vjeçare kishte arritur në Britani në mënyrë klandestine. I ati kishte ardhur në rrugë ligjore dhe punonte në industrinë e ndërtimit.
“Në Shqipëri ndodhen nëna dhe gjyshja. Gjyshja është 90 vjeçe dhe e sëmurë. Gjoni tha se nuk ka shtëpi, punë dhe jeton ilegalisht këtu prej vitit 2018. Ai është inteligjent. Veç shqipes, flet rrjedhshëm italisht, gjermanisht dhe anglisht ndërsa kupton spanjisht dhe portugalisht. Ka qëndruar 9 muaj në burgun e të rinjve duke studiuar matematikë të avancuar. Është një artist entuziast dhe për këtë e përgëzojnë në burg. Ai e kupton se këto janë krime serioze dhe do të kthehet në Shqipëri”.
Sa për Koliqin, prokurori tha se ai bënte punë krahu për 50-60 Paund në ditë. Avokati i tij u shpreh se “i vjen keq për veprat që ka kryer. Ai e di se çfarë pasojash do të kishin veprimet e tij te banorët dhe është penduar. Kjo reflektohet në deklaratën e tij.
Ai nuk priste të gjente njeri në shtëpi. Asgjë nuk u mor dhe as u dëmtua. Ai erdhi në Britani në rrethana të dëshpëruara. Ai erdhi në mes të një gjakmarrjeje në Shqipëri që ia vendoste jetën në rrezik. Kjo kufizoi pikëpamjet e tij dhe në Londër po bënte punë që nuk paguheshin mirë.
Një mik i sugjeroi të shkonin në Mançester për një punë më të mirë. Ai nuk kishte shtëpi, flinte në makinë. Nuk është justifikim, por shpjegon disa prej zgjedhjeve të dëshpëruara që bëri. Flet anglisht me vështirësi çka i bën kushtet aktuale në burg të vështira për të”, përfundon avokati.
Gjykata e dënoi Gjonin me 28 muaj burg ndërsa Koliqin me 18 pasi të dy pranuan veprën penale. Ata do të deportohen në Shqipëri pasi të lirohen nga burgu./TV Klan
Promo
Reklamo këtuLufta Prigozhin - Putin
Më shumëZëvendësministri për Kthim: Sot është tentuar të vritet Marko Jablanoviq, sulmuesit i dështoi “Shkorpioni”
Tragjedia në Shkodër, vijon edhe gjatë natës kërkimi në lumin Bunë për nënën dhe dy fëmijët
Policja që u raportua e zhdukur paraqitet në stacionin e Rahovecit
DW: Sinjale alarmi nga Ballkani - po përsëritet historia?
Basha i reagon AGK-së dhe Sekretarit të Federatës Evropiane të Gazetarëve: Jam deputet i pavarur në mendime, Kosova nuk është autokraci
Kosova në Këshillin e Evropës, me apo pa kushte?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak