Njohësit e çështjeve politike në Maqedoninë e Veriut, thonë se është bërë e zakonshme që gjithmonë para mbajtjes së zgjedhjeve, partnerët e koalicionit qeveritar të ashpërsojnë raportet mes veti, për të treguar para elektoratit se kush është mbrojtës më i denjë i interesave të tyre, por thonë se është shumë e shkurtër koha prej 50 ditëve deri në shpërbërjen e Parlamentit që të testohet realisht koalicioni qeverisës.
Kriza mes partnerëve të koalicionit qeverisës LSDMS-së dhe BDI-së, u provokua pas dorëzimit të pesëmijë amendamenteve të partisë shqiptare në pushtet bashkë me njëmijë amendamentet e OBRM-PDUKM-së lidhur me ndryshimet e kodit zgjedhor.
Kryeministri i Maqedonisë së Veriut, Zoran Zaev, tha se do të konsultohet rreth shqyrtimit të pozicioneve me kryesinë e partisë dhe partitë më të vogla që janë pjesë e koalicionit dhe do të dalin me vendimin ndaj koalicionit me BDI-në.
“Ky (numri i amendamenteve) është një mesazh shumë i palogjikshëm nga partneri jonë, BDI. Ne kemi folur se përse është e nevojshme një njësi zgjedhore. Nuk guxojmë të mos e dëgjojmë edhe zërin e partive më të vogla. Këto amendamente janë sinjal se duan ta bllokojnë procesin. Kështu bllokohet demokracia në procesin e vendimmarrjes”, tha për mediat Zaev.
Por, zëvendëskryeministri i Maqedonisë së Veriut, Bujar Osmani, është arsyetuar se amendamentet janë në funksion të mbrojtjes së fuqizimit të elektoratit shqiptar.
Naser Ziberi, njohës i çështjeve politike, ish-deputet, për Radion Evropa e Lirë thotë se është bërë praktikë që gjithmonë para zgjedhjeve qofshin ato parlamentare apo lokale, partnerët e koalicionit qeverisës ata shqiptarë dhe maqedonas të shprehin kundërshtime rreth çështjeve të caktuara me qellim që të përmirësojnë imazhin para votuesve.
“Në esencë nuk ka ndonjë dallim konceptual serioz që do të mund të çojë deri në prishjen eventuale të koalicionit bashkëqeverisës. Ndoshta kjo qeveri po i numëron ditët, përkatësisht së shpejti do të rikonfirmohet qeveria e re teknike e tranzicionit me kryeministër të ri teknik dhe ministra të tjerë dhe nuk ka kohë për të bërë ndonjë ndryshim eventual për një bashkërenditje të strukturës qeverisëse” .
“Pra, me një fjalë konstatoj se kjo është vetëm një përpjekje për të rritur mbështetjen në elektorat në prag të zgjedhjeve të ardhshme parlamentare”, vlerëson Naser Ziberi.
Përderisa, politikologu maqedonas, Nikolla Dujovski, shprehet më i përmbajtur rreth asaj se sa është reale kriza mes partnerëve të koalicionit qeverisës.
“Nëse bëhet fjalë për ndonjë skenar politik ose jo unë nuk mund të them do të isha i përmbajtur në këtë drejtim, sepse kjo situatë mund të vlerësohet në mënyra të ndryshme. Parlamenti do të shpërbëhet pas 50 ditësh dhe në asnjë mënyrë nuk ka hapësirë për ndryshim të partnerëve të koalicionit gjatë kësaj periudhe përderisa pas zgjedhjeve mbetet të shihet se si do të vazhdojnë raportet mes BDI-së dhe LSDM-së”, thotë Dujovski.
Nga ana tjetër, Naser Ziberi thotë se tensionet mes partnerëve të koalicionit qeverisës do të jenë edhe më të theksuara deri në mbajtjen e zgjedhjeve, por shton se elektorati tanimë e ka të qartë fushëveprimin e të dy partive andaj vështirë se do të mund të kenë ndonjë ndikim real.
“Mendoj se janë tentativa të kota për arsye se kjo dramë e krijuar lexohet që nga larg. Dy partitë që qeverisin gjatë gjithë mandatit pa probleme dhe vetëm në prag të zgjedhjeve nxjerrin diferenca në qëndrime, është një lojë e tejdukshme dhe nuk mendoj se do të kenë ndikim dhe efekt në elektorat”, thotë Ziberi, duke kujtuar se partnerët e koalicionit edhe më herët kanë pasur dallime rreth çështjes së ligjit që rregullon përdorimin zyrtar të gjuhës shqipe, pas rekomandimeve të Komisionit të Venedikut, emërimit të kryeprokurorit publik, si dhe çështje të tjera.
Nga ana tjetër, partitë politike shqiptare në opozitë, përplasjet mes Lidhjes Socialdemokrate të kryeministrit Zoran Zaev dhe Bashkimit Demokratik për Integrim i shohin si tentim që BDI-ja të krijojë pozicione më të relaksuara me OBRM-PDUKM-në, nëse partia maqedonase në opozitë arrin të shënojë fitore./REL/
Lufta Prigozhin - Putin
Më shumëNga Rubrika
Taravari pas vendimit të Selës për t’u bashkuar me Frontin Evropian: Jam krenar për zgjedhjen time krah popullit tim
120 mijë euro Dumanit për t’i vrarë gruan, SPAK kërkon mbi 6 vite burg për avokatin
Osmani-Speich diskutojnë mundësitë e bashkëpunimit Kosovë-Vatikan
Pse Mali i Zi votoi kundër Kosovës në KiE, flet Dritan Abazoviq
E mohoi në Kuvendin e Serbisë, por Goran Rakiq ishte betuar si ministër në Kuvendin e Kosovës
Votimi i Malit të Zi kundër Kosovës në KiE, Gjeloshaj: Qëndrimin tonë do ta japim kur të votohet në Këshillin e Ministrave
Si do të mund t'i drejtohen kosovarët Gjykatës së Strasburgut?
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri
PDK voton kryesinë e re - pësojnë ndryshime në pozita disa prej figurave të njohura të kësaj partie
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E zezë klasike, krejt sytë n’ty
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Sot harroni të gjitha hallet, ZBRITJA në Deals me na shku huq nuk na falet
Më të lexuarat
Njëri nga të kërkuarit për tentim vrasjen në Prishtinë e kishte rrahur reperin Fero në vitin 2018
Stradner: Vuçiq dhe Dodik po përgatisin jetësimin e idesë për "botën serbe"
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit
Mësohet se kush, përveç Serbisë, votoi kundër rekomandimit për anëtarësimin e Kosovës në Këshillin e Evropës
Hoxha: Grupe kriminale serbe po përgatiten për sulm në veri
"Unë thjesht dua të luaj futboll" - Vini Jr me një gjest të shëmtuar në miqësore, Laporte tallet me të pas ndeshjes