Rutina e lehtë e mëngjesit që e praktikojnë njerëzit më të lumtur dhe më jetëgjatë
Të jetosh deri në 100 vjet është e pazakontë në shumicën e vendeve të botës, por jo në të ashtuquajturat ‘zona blu’.
Njerëzit që jetojnë në rajonet e Japonisë, Kosta Rikës, Italisë, Greqisë dhe Kalifornisë, kanë jetë më të gjatë dhe janë gjithashtu ndër njerëzit më të lumtur në planet.
Siç transmeton The Sun, ata kanë qenë objekt i studimeve të panumërta dhe shkencëtarët kanë kërkuar të dhëna se si të jetojnë të lumtur dhe gjatë.
Shumica e njerëzve nga këto zona, ndjekin rutinat e thjeshta të mëngjesit, të cilat mund t’i filloni që nesër.
Hani një mëngjes të shëndetshëm
Shumica e njerëzve që jetojnë në ‘zonat blu’ gëzojnë një dietë të pasur dhe të larmishme mesdhetare ose me bazë bimore. Në përgjithësi hanë më shumë ushqime të plota, fruta dhe perime, dhe më pak mish të kuq të përpunuar, sheqer dhe karbohidrate amidoni, në krahasim me dietën e përgjithshme perëndimore.
Hulumtimet kanë treguar se dieta mesdhetare – e cila gjithashtu thekson drithërat, vajin e ullirit, fasulet, arrat dhe peshkun – mund të ndihmojë në uljen e rrezikut të një sërë sëmundjesh.
Shijoni një filxhan kafeje
Kafeja është një pjesë kyçe e dietës së shumicës së njerëzve që jetojnë në ‘zonat blu’. Ata pinë rreth dy deri në tre filxhanë kafe çdo ditë. Studimet kanë treguar se tre filxhanë kafe në ditë ndihmojnë në uljen e rrezikut të diabetit dhe obezitetit.
“Gjetjet tona sugjerojnë se kafeina, të paktën pjesërisht, mund të shpjegojë lidhjen e kundërt midis konsumimit të kafesë dhe rrezikut për diabetin e tipit 2”, ka thënë Dr. Susanna Larson nga Instituti Karolinska në Stokholm.
Ndërkohë, polifenolet (antioksidantë natyralë) që janë prezentë në këtë pije, janë gjithashtu të lidhur me një rrezik më të ulët të zhvillimit të demencës më vonë gjatë jetës.
Gjeni nxitjen e brendshme
Fillimi i duhur i ditës nuk është vetëm ajo që vendosni në trupin tuaj. Të gjithë njerëzit në ‘zonat blu’ ndjekin disa variacione të konceptit japonez të ‘Ikigai’ duke gjetur nxitjen e brendshme.
Ka të bëjë me zbulimin e asaj që i jep qëllim dhe shkëndijë jetës tuaj, arsyeja e mirëfilltë për t’u ngritur nga shtrati në mëngjes. Hulumtimet kanë treguar se njerëzit që mendojnë se kanë një qëllim më të lartë priren të jetojnë më gjatë.
Ken Mogi, një neuroshkencëtar me bazë në Tokio, ka thënë për Well+Good se procesi fillon me katër gjëra: të pranosh veten, të lidhesh me të tjerët dhe planetin, të gjesh gëzim në gjërat e vogla dhe të jesh i pranishëm.
Thoni diçka të bukur personit të parë që takoni
Në mënyrë të ngjashme, mënyra se si i trajtoni njerëzit në fillim të ditës tuaj mund t’ju japë një nxitje të lumturisë. Autori Dan Buettner, i cili shpiku termin ‘zona blu’, ka treguar për Sarah Wilson se e fillon çdo mëngjes duke i thënë diçka të këndshme personit të parë që sheh. /Telegrafi/
Lufta Prigozhin - Putin
Më shumëKjo markë po shet ‘xhinse me njolla' për 600 euro dhe ky model i çuditshëm tashmë është shitur
Gjashtë këshilla për të rikthyer lumturinë pas momenteve të vështira
Gjëja e vetme që nuk duhet të bëni kurrë kur partneri juaj është i mërzitur
A e dini se çfarë kuptimi ka simboli i "fluturës" në makinën larëse – pyetja ka nxitur debat të madh në internet
Si të trajnoni një qen!
Tri ditë në Amsterdam: Muzetë, parqet dhe ndërtesat që duhet t’i vizitoni (Foto)
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Harry Kane i përgjigjet incidentit të penalltisë me Jude Bellingham me një përgjigje të qartë
Ancelotti tregohet i sinqertë për lojën që bëri Bayerni përballë Realit
Tchouameni ndërpreu Mullerin në intervistë, krijohet situatë qesharake mes dyshes
Tifozja shqiptare e mbështjellur me flamurin kombëtar në tribunat e Allianz Arenas për ndeshjen Bayern-Real
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës